Süddeutsche Zeitung: Найлепшыя гады для Эрдагана прайшлі

Кіраўніку Турцыі дорага каштавацьме ягоная перамога на выбарах.

Адток капіталу і людзей з краіны прадоўжыцца. Да гэтага дадаецца яшчэ адна рызыка - «прэзідэнт, які выйшаў з-пад кантролю», заўважае Крышціяне Шлётцэр у Sueddeutsche Zeitung, (пераклад - inopressa.ru).

«У Турцыі прайшлі выбары, прыход склаў рэкордныя 90%, - піша аўтар. - Раджэп Таіп Эрдаган, які знаходзіцца ва ўладзе ўжо 16 гадоў, прадоўжыў серыю перамог, а апазіцыя зноў здавольвалася магчымасцю толькі паўдзельнічаць у выбарах».

Нягледзячы на жорсткія крокі, прынятыя Эрдаганам, за два гады, якія прайшлі пасля спробы дзяржаўнага перавароту, «кансерватыўная большасць прадаўжае дэманстраваць давер да гэтага прыхільніка цвёрдай рукі ў палітыцы», гаворыцца ў артыкуле.

«Другога Эрдагана не існуе» - гэта лозунг, на думку Шлётцэра, стаў самым дзейсным падчас перадвыбарнай кампаніі кіроўнай Партыі справядлівасці і развіцця. «Калі вы не вылучыце мяне, вы страціце ўсе, што атрымалі ў мінулым», - інтэрпрэтуе яго аўтар. «Кансерватыўнаму сярэдняму класу сёння жывецца лепш, чым да Эрдагана: ён моцна ўстаў на ногі за цяперашнім прэзідэнтам і складае ягоны самы адданы электарат», - гаворыцца ў артыкуле.

«Іншыя «прагаласавалі нагамі» яшчэ да выбараў, - прадаўжае журналістка. - Яны пакінулі краіну або вывелі сродкі за мяжу, ратуючы капітал або жыццё. Гэта людзі, якія не хочуць, каб іх дзеці раслі ў краіне, дзе яны могуць быць затрыманыя на студэнцкай дэманстрацыі, а затым знікнуць у турэмных мурах.

Гэта і прадпрымальнікі, якія не хочуць жыць у краіне, у якой прававая дзяржаўнасць функцыянуе толькі ва ўрэзаным выглядзе, бо дзейнай улады баяцца нават суддзі».

Рэжым надзвычайнага становішча, уведзены ў краіне пасля спробы путчу, будзе неўзабаве скасаваны - так, прынамсі, абяцаў Эрдаган перад выбарамі. «Але заточаная пад прэзідэнта канстытуцыя, якую ён навязаў Турцыі, дазваляе прэзідэнту і ў будучыні (...) тварыць што заўгодна ў нябачаным нават для турэцкіх рэалій аб'ёме», - адзначае аўтар артыкула.

Новая сістэма кіравання можа абярнуцца для Анкары бумерангам. «Паколькі там, дзе няма кантролю ці ўсе баяцца выказаць кіраўніку дзяржавы сваё меркаванне, здзяйсняюцца памылкі, - піша журналістка. - Атмасфера няўпэўненасці захаваецца, адток фінансавага і чалавечага капіталу прадоўжыцца. Падзенне ліры звязанае не толькі з унутранай палітыкай, аднак палітычная сітуацыя істотна ўплывае на ўзровень даверу да нацыянальнай валюты. Многія кампаніі функцыянуюць на мяжы сваёй платаздольнасці. Дзяржава існавала не па сродках, шчодра раздаючы грошы для залагоджвання выбаршчыкаў».

«У цяперашняй выбарчай кампаніі ў кандыдатаў былі няроўныя шанцы. Партыя справядлівасці і развіцця Эрдагана акупавала ўсе тэлеканалы, а буйныя выданні і так займаюць праўрадавую пазіцыю. Апазіцыі засталіся толькі дробныя выданні і сацыяльныя СМІ. Кандыдат у прэзідэнты ад левай пракурдскай Дэмакратычнай партыі народаў вёў выбарчую кампанію з турмы. З улікам гэтага ён дамогся вялікага выніку», - рэзюмуе аўтар.