Швэды вынайшлі соль, якая на 90% скарачае выдаткі на абаграванне і астуджэнне памяшканняў
2- 25.06.2018, 11:30
- 15,668
Запасіць энэргію сонца ў крышталях солі прыдумала швэдская кампанія SaltX.
«Батарэйкі» новага тыпу, якія назапашваюць энэргію сонечных батарэй ў крышталях солі, дазволілі на 90% скараціць расход энэргіі на ацяпленне і кандыцыянаванне кавярні. Такія вынікі атрымаліся падчас эксперыменту праекта SunCool, створанага пры падтрымцы еўрапейскай праграмы LIFE, піша euro-pulse.ru.
Запасіць энэргію сонца ў крышталях солі прыдумала швэдская кампанія SaltX. Са слоў распрацоўнікаў, звычайныя літыевыя батарэйкі і акумулятары неэфектыўныя пры назапашванні энэргіі з аднаўляльных крыніц, калі гаворка ідзе пра вялікія аб'ёмы - тых, якія патрэбныя для ацяплення і астуджэння памяшканняў.
SaltX распрацавала тэхналогію назапашвання энэргіі ў крышталях солі з дапамогай хімічнай рэакцыі, якую кампанія трымае ў сакрэце. SaltX ужо атрымала першую вялікую замову на батарэйкі - з Ганы, дзе іх будуць выкарыстоўваць у дамах, не падлучаных да электрасеткі.