Багдан Безпалька: РФ мае намер перавесці стасункі з Беларуссю ў прагматычнае рэчышча

Шэраг захадаў, якія рыхтуюцца да ўвядзення ў РФ, могуць катастрафічна адбіцца на эканоміцы Беларусі.

Чалец рады міжнацыянальных стасункаў пры прэзідэнце Расеі Багдан Бязпалька патлумачыў, чаму беларускі дыктатар Аляксандр Лукашэнка гэтак эмацыйна заявіў пра пагрозу ўваходжання Беларусі ў склад іншай дзяржавы і выцірання аб яе ног, піша «Московский комсомолец».

Высветлілася, што шэраг захадаў, якія рыхтуюцца да ўвядзення ў Расеі, могуць катастрафічна адбіцца на эканоміцы Беларусі.

Нагадаем, дыктатар, выступаючы на нарадзе ў Шклоўскім раёне Магілёўскай вобласці, вельмі эмацыйна заявіў, пра неабходнасць пераадолець эканамічныя праблемы. Пры гэтым упершыню ён загаварыў аб замежнай небяспекі. Якую краіну варта баяцца, Лукашэнка не называў, але з кантэксту можна меркаваць, што казаў ён пра Расею.

«Мы на фронце. Не вытрымаем гэтыя гады, правалімся - значыць, трэба будзе або ў склад якой-небудзь дзяржавы ўваходзіць, ці пра нас будуць проста выціраць ногі», - сказаў Лукашэнка.

Бязпалька, як паведамляе Федэральнае агенцтва навінаў, у сувязі з гэтым адзначыў, што такія эмацыйныя выказванні наогул характэрныя для Лукашэнкі, але з іншага боку, яны пацвярджаюць, што эканоміка Беларусі ў вельмі высокай ступені залежыць ад расейскай. Эксперт у сувязі з гэтым нагадаў, што беларуская эканоміка грунтуецца ў вялікай ступені на субсідаванні і датаванні Расеяй праз пастаўкі бязмытнай нафты і бязмытнага газу, а таксама прадстаўленні рынку збыту для шэрагу тавараў.

«Расея збіраецца падвысіць падаткі на здабычу карысных выкапняў, што беларуская старана ўспрымае амаль як катастрофу», - патлумачыў Бязпалька. Паводле ягоных слоў, у Беларусь з Расеі бязмытна пастаўляецца ад 18 да 22 млн тон нафты. Мыта залічваецца ў беларускі бюджэт, а сама эканоміка Беларусі жыве за кошт продажу нафтапрадуктаў, якія вырабляюцца з таннай расейскай нафты. Але ў выпадку падвышэння падаткаў, нафта для Беларусі стане даражэйшай.

Палітолаг мяркуе, што ў найбліжэйшай будучыні Расея мае намер перавесці стасункі з Беларуссю ў прагматычнае рэчышча. Менавіта гэта і магло напалохаць Лукашэнку.