Бязвіз у Беларусі могуць падоўжыць да 15 дзён
7- 21.06.2018, 15:30
- 10,497
Такім чынам чыноўнікі разлічваюць прыцягнуць замежных турыстаў у беларускія санаторыі.
Са слоў чыноўніка Міністэрства спорту і турызму Беларусі Віталя Грыцэвіча, цяпер праводзіцца «праца для павелічэння тэрміну бязвізавага знаходжання турыстаў, якія прыязджаюць у Беларусь праз Нацыянальны аэрапорт».
- З пункту гледжання павелічэння турыстычнай плыні цікавае павелічэнне тэрміну да 15 дзён, каб загрузіць нашы санаторыі, - цытуе яго БелТА.
Калі такая ініцыятыва можа быць рэалізаваная, прадстаўнік Мінспорту не ўдакладніў. Аднак ужо цяпер можна выказаць здагадку, што чакаць вялікага наплыву польскіх, нямецкіх або італійскіх турыстаў у беларускія здраўніцы наўрад ці варта. Часцей за ўсё, такія ўстановы наведваюць турысты з постсавецкіх краін, візы для якіх як раз не патрэбныя.
Нагадаем, што з пачатку дзеяння бязвізавага рэжыму Беларусь праз Нацыянальны аэрапорт наведалі больш за 120 тысяч турыстаў.