28 сакавiка 2024, Чацвер, 20:55
Падтрымайце
сайт
Сім сім,
Хартыя 97!
Рубрыкі

Украіна прыняла закон, які набліжае ўступленне ў NATO

1
Украіна прыняла закон, які набліжае ўступленне ў NATO
ФОТА: RADA.GOV.UA

Законапраект аб нацыянальнай бяспецы падтрымалі 248 народных дэпутатаў Вярхоўнай Рады.

21 чэрвеня Вярхоўная Рада прыняла ў другім чытанні і агулам законапраект аб нацыянальнай бяспецы Украіны.

Законапраект №8068 падтрымалі 248 народных дэпутатаў, паведамляе gordonua.com.

Дакумент вызначае паўнамоцтвы дзяржаўных органаў у сферах нацбяспекі і абароны.

У акце паказана, што фундаментальнымі нацыянальнымі інтарэсамі Украіны з'яўляюцца інтэграцыя ў еўрапейскую прастору, сяброўства ў Еўрапейскім Звязе і NATO.

Дакумент прадугледжвае размежаванне пасад начальніка Генеральнага штаба і галоўнакамандуючага Узброеных сіл. Калі прэзідэнт Украіны Пятро Парашэнка падпіша законапраект, гэтая норма ўвойдзе ў дзеянне з 2021 года.

Згодна з законам, міністра абароны будзе прызначаць парламент з ліку грамадзянскіх асоб. Гэтая норма павінна ўвайсці ў дзеянне ўжо з наступнага года.

17 студзеня сябры РНБА падтрымалі праект закона «Аб нацыянальнай бяспецы Украіны». Сакратар РНБА Аляксандр Турчынаў заявіў, што закон павінен абагульніць і прывесці да адзінага назоўніка ўсе ўжо праведзеныя і запланаваныя рэформы сектара бяспекі, «а таксама аб'яднаць у сабе не толькі базавыя асновы нацыянальнай бяспекі, але і пытанні дэмакратычнага грамадзянскага кантролю і асновы планавання ў гэтых сферах» .

28 лютага прэзідэнт Украіны Пятро Парашэнка ўнёс у парламент законапраект №8068 «Аб нацыянальнай бяспецы Украіны».

5 красавіка Рада ўхваліла праект у першым чытанні.

19 чэрвеня дакумент падтрымаў парламенцкі камітэт у пытаннях нацыянальнай бяспекі і абароны. Да другога чытання прапанавалі ўнесці 427 зменаў.

20 чэрвеня на сесіі пачалі разглядаць папраўкі.

Напісаць каментар 1

Таксама сачыце за акаўнтамі Charter97.org у сацыяльных сетках