Нямецкі партнёр «Газпрама»: Небяспека санкцый супраць «Паўночнай плыні-2» навісае над намі
3- 20.06.2018, 18:34
- 13,622
Нямецкі партнёр «Газпрама» назваў магчымыя санкцыі ЗША «надзвычай небяспечнымі» для ўдзельнікаў праекта.
Магчымыя санкцыі ЗША ў дачыненні да «Паўночнай плыні-2» «надзвычай небяспечныя» для еўрапейскіх партнёраў Газпрама, якія былі задзейнічаныя ў гэтым праекце, заявіў кіраўнік расейскага падраздзялення і сябра праўлення нямецкай кампаніі Uniper Райнэр Хартман на канферэнцыі Асацыяцыі еўрапейскага бізнэсу (АЕБ) у сераду, 20 чэрвеня , у Маскве, паведамляе карэспандэнт РБК.
«Гэта рэальная рызыка для ўсіх пяці еўрапейскіх сябраў кансорцыума», - сказаў ён. Uniper уваходзіць у кансорцыум інвестараў «Паўночнай плыні-2» з Engie, OMV, Shell і BASF.
Небяспека санкцый «навісае над намі» і ЗША можа накласці санкцыі «на любую з пяці кампаній або на ўсіх адразу ў любы момант», - сказаў Хартман.
Вясной гэтага года прадстаўнік Дзярждэпартамента ЗША Хізэр Ноерт заяўляў, што санкцыі ЗША могуць закрануць замежныя кампаніі, якія ўдзельнічаюць у рэалізацыі праекта будаўніцтва газаправода «Паўночны струмень-2». «Мы ясна казалі, што кампаніі, якія ўдзельнічаюць у работах, звязаных з прызначанымі для экспарту энэрганосьбітаў трубаправодамі, могуць падпасці санкцыям у рамках CAATSA (закона аб супрацьдзеянні спаборнікаў ЗША з дапамогай санкцый)», - сказала яна, адказваючы на пытанне аб пазіцыі Вашынгтона ў «Паўночнай плыні 2» (цытата паводле «Інтэрфаксу»).
«Мы ўважаем, што праект «Паўночная плынь-2» паставіць пад пагрозу энэргетычную бяспеку і стабільнасць Еўропы, калі Расея атрымае яшчэ адзін рычаг, з дапамогай якога яна зможа аказваць ціск на еўрапейскія краіны, між іншым на Украіну», - казала яна.
Хартман у сераду паведаміў, што еўрапейскія ўдзельнікі кансорцыума думаюць, «якое інвестыцыйнае рашэнне прыняць, пакуль ёсць яшчэ час». «Мы разлічваем, што наш урад і Еўракамісія будуць дамаўляцца па гэтым пытанні з ЗША», - адзначыў ён. Хоць, на яго думку, шанцаў што дыскусія будзе мець поспех мала, «бо прэзідэнт Трамп імкнецца забяспечыць пастаўкі на рынак Заходняй Еўропы амерыканскага сланцавага газу ў выглядзе СПГ, хоць і значна больш дарагога ў параўнанні з расейскім газам».
