Берасці сярод белага дня двое з сякерамі ганяліся за людзьмі
19- 2.06.2018, 13:51
- 25,814
Пацярпеў сведка.
Учора ў цэнтры Берасця кіпелі неабыякія страсці. Двое невядомых з сякерамі ганяліся за людзьмі і пагражалі ім. Адзін з іх, які адважыўся зафіксаваць небяспечную выхадку, атрымаў удар сякерай, піша people.onliner.by.
Берасцеец ішоў з працы, калі міма яго на вельмі вялікай хуткасці пранёсся хлопец. Ён нібы ўцякаў ад кагосьці. Праз некалькі імгненняў з-за кута дома паказаўся той, хто і быў прычынай уцёкаў: хлопец з сякерай у светлай паласатай футболцы.
- Я папярэджваю жанчыну з дзіцем, каб была больш акуратнай. Тут жа заўважаю другога тыпа з сякерай, у цёмнай футболцы. Першы з нецэнзурнымі выразамі крычаў: «Ты дзе?!» Відаць, шукаў таго, хто ўцёк, як і яго «напарнік».
Відавочца наважыў адразу ж патэлефанаваць у міліцыю і паведаміць, што па горадзе двое з сякерамі бегаюць за трэцім. Тым часам гэтыя двое прычапіліся да дзяўчыны ў аўто, а відавочцы каля яе спрабавалі высветліць, у чым сутнасць канфлікту.
Берасцеец вырашыў зафіксаваць тое, што адбываецца на камеру. Гэта справакавала агрэсію. Першы раз нашаму чытачу ўдалося ўцячы, пераследнік з сякерай адстаў. Другім разам з крыкамі «адвядзі відэа!» яны яго дагналі.
- Ля «Еўраопта» я ўпаў, яны мяне дагналі, я крычаў ім, што цяпер выдалю відэа, і зноў пабег. У гэты момант мяне ўдарылі сякерай. Я забег у «Беларусбанк» - і адразу да ахоўніка.
Усё адбывалася ў двары гэтага самага банка на берасцейскім бульвары Касманаўтаў. Паведамляецца, што мужчына ў цёмнай футболцы, які ўдарыў відавочцу, быў затрыманы міліцыяй.
Нападнікі з сякерамі былі затрыманыя супрацоўнікамі Маскоўскага РАУС Берасця Дэпартамента аховы МУС. У іх былі канфіскаваныя дзве сякеры, пасля чаго маладзёнаў 1992 і 1990 гадоў нараджэння даставілі ў РАУС. Абодва знаходзіліся ў стане алкагольнага ап'янення. На гэты момант затрыманыя знаходзяцца ў Маскоўскім РАУС Берасця, з імі працуюць праваахоўнікі.