Пуцін паставіў задачу выходзіць з Данбаса

Але ў гаспадара Крамля ёсць умова.

У раёне Горлаўка баевікі так званай ДНР зноў сталі выкарыстоўваць падступную тактыку, якую яны час ад часу ўжываюць на Данбасе: абстрэльваюць сілы Аперацыі аб'яднаных сілаў з жылых масіваў, спрабуючы справакаваць агонь у адказ украінскіх войскаў. Экс-намеснік кіраўніка Генштаба УСУ, генерал-лейтэнант Ігар Раманенка патлумачыў "Апострофу", навошта баевікі зноў выкарыстоўваюць гэтую тактыку, чаму Уладзімір Пуцін наважыў шукаць варыянты выхаду з АРДЛА і пры якой умове ён хоча гэта зрабіць.

Тут, у гэтай тактыцы, як мінімум дзве акалічнасці. Па-першае, нашыя не змогуць адказваць па жылых раёнах, то ёсць дзеянні баевікоў застануцца беспакаранымі. Па-другое, нават калі нашы будуць абстрэльваць іх, калі яны толькі заходзяць на гэтыя пазіцыі або выходзяць адтуль, то яны гэта здымаюць і выкарыстоўваюць у прапагандысцкіх мэтах, каб паказаць, якія ва Узброеных сілах Украіны "бандэраўцы", "фашысты", якім чынам яны "знішчаюць мірнае насельніцтва".

Баевікі даўно праводзяць такія "аперацыі". Нагадаю, што Пуцін яшчэ падчас анэксіі Крыма казаў: "Мы паставім наперадзе жанчын і дзяцей". Маўляў, паглядзім, як "бандэраўцы" будуць страляць. Таму баевікі выкарыстоўваюць тактычны прыём падчас гэтай вайны, які шматкроць рэалізаваны як падчас анэксіі Крыма, так і на Данбасе.

Ёсць яшчэ трэці момант. Паказаць падчас чэмпіянату свету, якія "звяры" ва Украіне. Мала таго, што падраздзяленні Узброеных сіл Украіны (паводле хлуслівай расейскай прапаганды, - "Апостроф") абстрэльваюць жылыя кварталы. Так баевікі яшчэ павінны сябе апраўдваць, бо атрымліваюць грошы і сродкі, якія раскрадаюцца галоўнымі гэтых псеўдарэспублік.

Той жа верхавод ДНР Аляксандр Захарчанка ўжо колькі разоў казаў, што з боку Украіны рыхтуецца маштабнае наступленне. Цяпер яны кажуць, што падчас ЧС-2018 Украіна хоча пачаць такія дзеянні.

Гэта значыць, яны спрабуюць прывязаць свае дзеянні да нейкіх момантаў: палітычных, грамадскіх, сацыяльных, пад якія ладзяць вайсковыя правакацыі.

Так, сілы ААС цяпер чысцяць ад баевікоў тыя тэрыторыі, якія паводле Менскім дамоў адыходзяць Украіне. Вядома, баевікі не могуць гэта пакінуць без агрэсіі і спрабуюць вярнуць гэтыя тэрыторыі. Да таго ж такім чынам яны сябе апраўдваюць у вачах сваіх расейскіх заступнікаў. Таму цяпер у раёне Горлаўка вядзецца барацьба на ўзроўні тактычных дзеянняў.

Чаму Пуцін пакінуў Суркова (куратарам баевікоў АРДЛА, - заўв.)? Я думаю, што Пуцін паставіў задачу шукаць варыянты выхаду з Данбаса. Гэта значыць выйсці з акупаваных тэрыторый ваенным чынам, а палітычна там застацца. А Суркоў - дастаткова разумны чалавек. Пытанне толькі ў тым, куды яго розум накіраваны і як выкарыстоўваецца.

Для Пуціна цяпер важна знайсці развязанне што да Данбаса, бо для яго гэта вельмі вялікія выдаткі. Цяперашні стан яго не задавальняе. Ён жа хоча рэалізаваць на Данбасе такую ж палітыку, як Расея рэалізавала ў Чачні: каб Украіна плаціла грошы Данбасу, а кіраваць усім гэтым будзе Расея. Ён жа Кадыраву праплачвае, якога гэта задавальняе. А ў нас сітуацыя іншая: нас гэта не задаволіць і мы на гэта не пойдзем.

Вядома, на Данбасе ёсць яшчэ варыянт урэгулявання з увядзеннем міратворчых сіл, але для гэтага трэба даціснуць Пуціна. А пакуль гэта не атрымліваецца ні ў амерыканцаў, ні ў нас, ні ў еўрапейцаў.