Відэафакт: У Воршу заехала калона бронетэхнікі РФ з сімволікай «АРДЛА»
62- 18.06.2018, 20:50
- 109,745
Міліцыя не толькі не штрафавала за незарэгістраваную сімволіку, але і расчышчала дарогу перад калонай.
Бронепрабег расейскай бронетэхнікі «Дарога Мужнасці» сёлета выглядаў больш агрэсіўна, чым летась. Калона прайшла па цэнтральнай вуліцы Леніна да помніка «Кацюшы», а адтуль да калегіума езуітаў, паведамляе «Радыё Рацыя».
У калоне тэхнікі ехалі сучасныя джыпы з сімволікай «ДНР», «ЛНР» і надпісамі «Наваросія мы з вамі».
Міліцыя не толькі не штрафавала за незарэгістраваную сімволіку, але і расчышчала дарогу перад калонай.
Жанчына каля джыпа крычала: «Вы ж беларусы ў вас жа таксама ёсць патрыятызм» і «Прыязджайце да нас у Саратаў!».
Пасля плошчы тэхніка накіравалася ў Пішчалава, адкуль «Кацюша» дала свой першы залп па Воршы ў 1941 годзе, пасля калона паедзе на Менск, а адтуль у Берасце.