Палова беларускіх прадпрыемстваў нерэнтабельныя
6- 18.06.2018, 16:09
- 13,863
Расце колькасць пратэрмінаваных запазычанасцяў.
Доля нерэнтабельных і нізкарэнтабельных прадпрыемстваў (з рэнтабельнасцю ад 0 да 5 адсоткаў), разлічаная да агульнай колькасці даўшых справаздачы арганізацый, за 2017 год знізілася на 3,3 адсотка і склала 55 адсоткаў, піша thinktanks.by.
Такія звесткі ўтрымліваюцца ў аналітычным аглядзе «Фінансавая стабільнасць у Рэспубліцы Беларусь у 2017 годзе», апублікаваным Нацбанкам Беларусі.
Як гаворыцца ў аглядзе, паводле вынікаў дзейнасці ў 2017 годзе стратнымі былі 15,3 адсотка арганізацый супраць 19,2 адсотка ў 2016 годзе. Пры гэтым сума чыстай страты паменшылася на 8,5 адсотка. Сума чыстай страты ў сярэднім на адну стратную арганізацыю ў Рэспубліцы Беларусь у 2017 годзе склала 2,1 млн рублёў. У 2017 годзе фактычная разліковая дысцыпліна і крэдытаздольнасць нефінансавага сектара эканомікі Беларусі істотна не палепшыліся.
На 1 студзеня 2018 года 75,8 адсотка арганізацый мелі пратэрмінаваную дэбіторскую запазычанасць (годам раней - 75,2 адсотка), пратэрмінаваную крэдыторскую - 63 адсоткі (годам раней - 64,4 адсотка).
Захаванне тэндэнцыі павелічэння гэтых доляў у перспектыве будзе адмоўна адбівацца на крэдытаздольнасці сектара нефінансавых арганізацый, гаворыцца ў аглядзе Нацбанку.