Уладзімір Кавалкін: Пазыкі АПК будуць аплачваць з кішэні беларусаў

Эканаміст знайшоў у Мінфіна вельмі цікавую інфармацыю.

Эканаміст Уладзімір Кавалкін знайшоў у Мінфіна вельмі цікавую інфармацыю. Калі коратка, то за ўсе промахі беларускага АПК плаціць народ: іх даўгавыя абавязанні перад банкамі выплачваюцца з бюджэту, піша kyky.org.

Напрыклад, за апошнія два гады - гэта 2,3 мільярда рублёў (1,15 мільярда даляраў!). І гэта ўсё «ў мэтах фінансавага аздараўлення прадпрыемстваў». Схема простая: прэзідэнт сказаў, выканкам прыняў валявую пастанову, запазычанасці перад банкамі перапісалі на бюджэт, а прадпрыемствы цяпер вінныя выканкамам. Прытым там яшчэ растэрміноўкі і адтэрміноўкі дзейнічаюць.

«Трохі пра выратаванне АПК за наш з вамі кошт. Чаму менавіта за наш з вамі? Таму што менавіта за кошт мясцовых бюджэтаў фінансуецца медыцына, адукацыя і ЖКГ, на якія пераклалі запазычанні калгасаў. Такім чынам мы асабіста з нашай кішэні будзем аплачваць запазычанасці АПК у шкоду сацыялцы», - напісаў Уладзімір Кавалкін на сваёй старонцы ў Facebook.