ЧС-2018: Гол-прыгажун Каларава прынёс Сербіі перамогу ў матчы з Коста-Рыкай

Зборная Сербіі перамагла костарыканцаў з лікам 1:0.

Матч паміж зборнымі Коста-Рыкі і Сербіі ў групе Е чэмпіянату свету закончыўся перамогай еўрапейскай каманды з лікам 1:0. Сустрэча прайшла на «Самара Арэне». Судзіў гульню арбітр з Сенегала Маланг Дзіду.

Адзіны гол быў забіты на 56-й хвіліне пасля таго, як паўабаронца зборнай Коста-Рыкі рукамі спыніў прарыў Аляксандра Мітравіча. Штрафны выканаў капітан зборнай Сербіі Аляксандр Калараў, які перакінуў «сценку» і паслаў мяч ушчыльную са штангай. У галкіпера костарыканцаў Кейлара Наваса, які выступае ў Гішпаніі за мадрыдскі «Рэал», не было шанцаў адлюстраваць удар.