Відэафакт: Запальны танец Домрачавай і Б’ёрндалена на вечарыне «караля»

Танец прысвечаны заканчэнню кар'еры легендарнага нарвежскага біятланіста.

Васьміразовы алімпійскі чэмпіён Уле Эйнар Б'ёрндален разам з жонкай Дар'яй Домрачавай паставілі танец для ўрачыстага вечару ў гонар сыходу нарвежца з спорту, паведамляе «Трибуна».

Вечар прайшоў 16 чэрвеня ў Осла. На мерапрыемстве прысутнічалі многія дзейныя спартоўцы, а таксама біятланісты, якія ўжо закончылі кар'еру.

Пасля сезону-2017/18 Б'ёрндален абвесціў пра заканчэнне кар'еры. Домрачава пакуль не вызначылася, ці будзе прадаўжаць выступы.