Відэахіт: Бенгальскi кот катаецца на скейтбордзе

Жывёліна дзівіць умелым катаннем на дошцы.

У Аўстраліі жыве бенгальскі кот Бумер, які мае вясёлага гаспадара, паведамляе сайт hronika.info.

Дзякуючы намаганням чалавека, жывёліна навучылася катацца на скейтбордзе і стала зоркай у сацсетках.

Бумер пакуль не ўмее выконваць трукі, як Тоні Хоўк і іншыя легенды скейтбордынгу, аднак ён дзіўна спрытна перасоўваецца на дошцы. Калі ён выходзіць на шпацыр па парку, адразу становіцца аб'ектам увагі мінакоў.

Такім чынам, Бумер зняпраўдзіў стэрэатып, што сабакі з'яўляюцца лепшымі скейтбардыстамі, чым каты. У яго, дарэчы, ёсць сябар-сабака Міша. Сабака дапамагае кату выконваць розныя практыкаванні і дазваляе катацца на сваёй спіне ў басейне.