Мядзведзеў унёс у Дзярждуму закон аб падвышэнні пенсійнага ўзросту і ПДВ
19- 16.06.2018, 16:35
- 19,197
Штогод пенсійны ўзрост будзе павялічвацца на год.
Расейскі ўрад унёс у Дзярждуму законапраект аб паэтапным падвышэнні пенсійнага ўзросту да 65 гадоў для мужчын і 63 - для жанчын. Адпаведны загад сёння падпісаў прэм'ер-міністр РФ Дзмітрый Мядзведзеў, які на гэтым тыдні абвясціў аб пачатку рэформы, паведамляе «Радыё Свабода».
Яна, як і гаварылася раней, прадугледжвае пераходны перыяд з 2019 да 2034 год са штогадовым павелічэннем пенсійнага ўзросту на адзін год.
Таксама ў сёння ў Дзярждуму быў унесены законапраект аб павелічэнні падатку на дададзеную вартасць (ПДВ) з 18 да 20 адсоткаў.
Раней «Ведомости» паведамілі, што ў Крамлі прапрацоўваюць магчымасць змякчэння пенсійнай рэформы, калі яна прывядзе да абвастрэння пратэстных настрояў у краіне.
У прэс-службе прэзідэнта заяўлялі, што Пуцін не ўдзельнічаў у абмеркаванні рэформы і што яна цалкам знаходзіцца ў падпарадкаванні ўрада.