Reuters: Эрдаган можа не перамагчы ў першым туры выбараў у Турцыі
1- 14.06.2018, 12:36
- 9,493
Рэйтынг прэзідэнта Турцыі падае.
Прэзідэнт Турцыі Рэджэп Таіп Эрдаган можа не перамагчы ў першым туры пазачарговых выбараў, ягоная падтрымка памяншаецца.
Такія вынікі апытання Gezici, паведамляе Reuters.
У апытанні, якое праводзілася 2-3 чэрвеня, удзельнічалі 2814 рэспандэнтаў.
Яно паказала, што Эрдаган атрымлівае 47,1% галасоў у першым туры прэзідэнцкіх выбараў, у параўнанні з 48,7% у даследаванні, праведзеным на тыдзень раней.
Апытанне таксама паказала, што альянс кіроўчай партыі AKP з нацыяналістычнай MHP не набірае абсалютнай большасці ў 600-мясцовым парламенце. Цяпер за яго гатовыя прагаласаваць 48,7% выбарнікаў.
Турцыя правядзе пазачарговыя прэзідэнцкія і парламенцкія выбары 24 чэрвеня 2018 года. Абвяшчаючы датэрміновыя выбары, прэзідэнт Рэджэп Таіп Эрдаган заявіў, што ў "краіне расце нявызначанасць пасля спробы дзяржаўнага перавароту ў 2016 годзе і пераход да новай сістэмы кіравання становіцца ўсё больш актуальным".