Даішнікі ў цывільным правераць маршруткі і таксі ў Бабруйску

Правяраючыя ў цывільным будуць падсаджвацца да маршрутчыкаў і таксістаў.

Да 28 чэрвеня маршруткі і таксі ў Бабруйску будуць пад кантролем ДАІ. Правяраючыя ў цывільным будуць падсаджвацца і сачыць за правіламі, ПДР і знешнім выглядам аўто, паведамляе bobruisk.ru.

Паведамляецца, што часцей за ўсё кіроўцы таксі і маршрутныя аўтобусы парушаюць устаноўленыя хуткасныя абмежаванні, ігнаруюць некаторыя знакі, едуць не на свой сігнал святлафора, возяць людзей больш чым дазволена, карыстаюцца тэлефонам і не прапускаюць пешаходаў. У сувязі з гэтым Дзяржаўтаінспекцыя наважыла зладзіць рэйд у Бабруйску. Ён пройдзе да 28 чэрвеня.

Статыстыка ў горадзе наступная: за пяць месяцаў гэтага года супрацоўнікамі падраздзялення аддзела ДАІ Бабруйска выяўлена 114 парушэнняў ПДР, дапушчаных кіроўцамі маршрутных таксі.

З іх: 27 - за парушэнні правілаў праезду скрыжаванняў, 15 - за перавышэнне хуткасці, 11 - за карыстанне мабільным тэлефонам падчас руху, 30 - за не прапусканне пешаходаў на пешаходных пераходах без святлафора, 20 - за высадку пасажыраў у неўсталяваным для гэтага месцы і за перавозку пасажыраў звыш дазволенай колькасці, 11 - іншыя парушэнні ПДР.

За гэты час адбылося тры ДТЗ з удзелам маршрутак, два з якіх было на віну кіроўца маршрутнага таксі.

Падчас рэйду супрацоўнікі ДАІ ў некаторых выпадках будуць у цывільным адзенні, яны будуць у якасці пасажыра сачыць за кіроўцам. Гэтак жа будуць праводзіцца негалосныя праверкі з выкарыстаннем прыбораў фота і відэафіксацыі, у якіх будуць звяртаць увагу на знешні выгляд маршрутак, стан салона, шын і фар.