Дональд Трамп: Пагрозы ад КНДР больш няма, можна спаць спакойна
6- 13.06.2018, 15:38
- 9,197
Прэзідэнт ЗША назваў перамовы ў Сінгапуры карысным досведам.
Прэзідэнт ЗША Дональд Трамп заявіў, што ядзернай пагрозы міру з боку Паўночнай Карэі больш няма. На сваёй старонцы ў твітэры ён таксама адзначыў, што сустрэча з лідарам КНДР Кім Чэн Ынам была вельмі цікавым досведам.
Са слоў Трампа, калі ён заняў пасаду прэзідэнта, усе чакалі, што на Карэйскім паўвостраве выбухне вайна, а папярэдні амерыканскі лідар Барак Абама называў КНДР самай вялікай і небяспечнай праблемай. Але цяпер, адзначыў Трамп, у Паўночнай Карэі ёсць вялікі патэнцыял для будучыні, і таму «можна спаць спакойна».
Before taking office people were assuming that we were going to War with North Korea. President Obama said that North Korea was our biggest and most dangerous problem. No longer - sleep well tonight!
— Donald J. Trump (@realDonaldTrump) 13 июня 2018 г.
Гістарычная сустрэча Дональда Трампа і Кім Чэн Ына адбылася 12 чэрвеня ў Сінгапуры. Да гэтага ніводзін паўночнакарэйскі лідар не сустракаўся з дзейным прэзідэнтам ЗША. Пасля перамоў палітыкі падпісалі супольную дэкларацыю. У ёй КНДР абавязваецца адмовіцца ад ядзернай зброі, а ЗША паабяцалі прыпыніць вайсковыя вучэнні з Паўднёвай Карэяй.