Штат Вермонт заплаціць $ 10 тысячаў тым, хто пераедзе туды жыць

Закон пачне дзеянне 1 студзеня 2019 года.

Губернатар штата Вермонт Філ Скот падпісаў законапраект, паводле якога тыя, хто пераедуць сюды жыць і будуць працаваць выдалена, атрымаюць ад $ 5000 да $ 10 000, паведамляе vokrugsveta.ua.

Улады Вермонта прапануюць змяніць каменныя джунглі на маляўнічы відарыс з акна і чыстае паветра. Штат запусціў праграму грантаў, паводле якой супрацоўнікі, якія адпавядаюць вызначаным патрабаванням, змогуць атрымліваць ад $ 5000 да $ 10 000 у год.

Такі законапраект быў вымушанай мерай, паколькі насельніцтва штата стала памяншаецца і старэе.

«У нас дэмаграфічная праблема, таму мы маем патрэбу ў прытоку новых грамадзянаў», – заявіў Скот.

Закон пачне дзеянне 1 студзеня 2019 года. Праграма прымеркаваная на два гады, а грошы можна выдаткаваць на пераезд, набыццё камп'ютарнага абсталявання і праграмнае забеспячэнне. Словам, усяго таго, што неабходна чалавеку, які працуе выдалена. Гэта адна з умоваў. Наконт працаўладкавання ў Вермонце гаворка пакуль не ідзе.

Прапанова выклікала цікавасць у жыхароў іншых штатаў: заяўкі ўжо падалі сотні чалавек. Хоць улады штата папярэджваюць, што колькасць месцаў абмежаваная і адсяваць кандыдатаў будуць паводле прынцыпу «хто не паспеў, той спазніўся».

На 2019 г. сума грантаў не перавысіць $ 125 000. У 2020 годзе яна павялічыцца да $ 250 000, а потым зноў знізіцца да $ 125 000 у 2021 годзе.

Вермонт займае другое месца ў спісе найменш населеных штатаў ЗША. Тут жыве 623 960 чалавек. Менш толькі ў Ваёмінгу – 573 720 чалавек. Паколькі ініцыятыва прызначаная для выдаленых супрацоўнікаў, улады спадзяюцца, што яна больш за ўсё зацікавіць маладых спецыялістаў, якія ў перспектыве змогуць палепшыць дэмаграфічную сітуацыю.