«Народная інфляцыя»: Кошты ў Беларусі выраслі вельмі моцна
9- 12.06.2018, 8:59
- 14,353
Большасць беларусаў упэўненыя ў нестабільнасці рубля.
Пра гэта сведчаць звесткі апытання Нацбанка Беларусі, падчас якога вывучаліся пакупніцкія паводзіны насельніцтва, піша thinktanks.by.
Паводле звестак Нацбанка, які правёў апытанне сярод 2 тысячаў беларусаў, блізу 64% апытаных у траўні рэспандэнтаў адказалі, што кошты ў 2018 годзе «будуць расці гэтак жа інтэнсіўна», як і летась.
Пры гэтым 49,8% апытаных сказалі, што ў 2017 годзе кошты выраслі «вельмі моцна», блізу 39% адзначылі «памяркоўны рост коштаў» і толькі 8,8% апытаных адказалі, што кошты «выраслі нязначна».
Адзначым, што паводле афіцыйных звестак інфляцыя ў Беларусі ў 2017 годзе склала ўсяго 4,6%.
Як раней паведамлялася, у ходзе апытання таксама высветлілася, што за апошнія тры месяцы буйных выдаткаў у 48,1% насельніцтва не было.
У тых грамадзянаў, якія ўсё ж трацілі буйныя сумы за апошні час, найбольш папулярны артыкул выдаткаў быў «лячэнне (сваё, дзяцей, сваякоў)». Так адказала 12,2% апытаных. На трэцім месцы паводле распаўсюджанасці выдаткаў апынуліся набыццё камп'ютарнай тэхнікі, планшэтаў, смартфонаў, мабільных тэлефонаў і да т. п.