Беларусы заваявалі чатыры срэбныя медалі ЧЕ ў веславанні на байдарках і каноэ
- 10.06.2018, 16:56
- 7,735
Чэмпіянат Еўропы ў веславанні праходзіць у Бялградзе.
Беларускія весляры заваявалі ў нядзелю чатыры срэбныя медалі на чэмпіянаце Еўропы ў веславанні на байдарках і каноэ, паведамляе tut.by.
Вольга Худзенка стала другой на дыстанцыі 500 метраў байдаркі-адзіночкі з вынікам 1.48,762, саступіўшы толькі вугорцы Дануце Козак (1.47,742).
Надзея Макарчанка і Вольга Клімава заваявалі срэбра на дыстанцыі 500 метраў каноэ-двойкі (1.56,238). Золата тут таксама дасталася Вугоршчыне.
Глеб Саладуха і Дзяніс Махлай фінішавалі другімі на дыстанцыі 200 метраў каноэ-двойкі, усяго 0,2 секунды саступіўшы расейскаму дуэту.
Нарэшце, Алена Ноздрава і Каміла Бобр сталі другімі ўслед за вугоркамі на дыстанцыі 200 метраў каноэ-двойкі.