У ЗША прадэманстравалі мабільную вёску, надрукаваную на 3D-друкарцы
- 30.05.2018, 16:30
- 10,853
Кошт дома ў такой вёсцы складзе $250 тысяч.
Амерыканскі стартап Walden Monterey прадэманстраваў праект вёскі з 22 дамоў, надрукаваных на 3D-друкарцы. Пра гэта піша Business Insider са спасылкай на кіраўніка стартапа Ніка Джэкаяна, піша «Хайтек».
Праект дамоў Galini Sleeping Pods пакуль разлічаны на стартапераў з Крамянёвай даліны, бо вёска знаходзіцца непадалёк - на паўвостраве Мантэрэй. Мабільныя дамы будуць сілкавацца ад сонечных батарэй, ветравой турбіны і акумулятараў Tesla.
Акрамя выкарыстання зялёнай электраэнэргіі, дом будзе складацца толькі з перапрацаваных матэрыялаў - пластыка і дрэва. Акрамя таго, праект Galini Sleeping Pods прадугледжвае будаўніцтва толькі разумных дамоў, дзе тэхніка самастойна настройвае тэмпературу ў доме, а таксама выключаецца, калі яе не выкарыстоўваюць.
Кошт дома ў Galini Sleeping Pods складзе $250 тысяч. Пры гэтым жыхарам не абавязкова ўвесь час знаходзіцца на тэрыторыі Мантэрэя, бо дом мабільны, а значыць, што яго можна перавезці ва ўсякае месца.