10 самых хуткіх амерыканскіх аўтамабіляў

Некаторыя з гэтых аўто прэтэндуюць на званне адных з самых хуткіх у свеце.

Па-за ўсякім сумневам, радзімай суперкараў з'яўляецца Еўропа. Калі раней у ЗША, дзякуючы нізкім коштам на бензін, у модзе былі магутныя, але пражэрлівыя аўтамабілі з вялікім аб'ёмам рухавіка і колькасцю цыліндраў, то цяпер сітуацыя змянілася, піша avtodream.org.

Амерыканцы навучыліся рабіць эканамічныя аўтамабілі з высокімі тэхнічнымі характарыстыкамі, якія здольныя скласці канкурэнцыю еўрапейскім суперкарам, такім як Porsche, Ferrari, Lamborghini і іншым. Вось дзясятка самых хуткіх аўтамабіляў амерыканскай вытворчасці, некаторыя з якіх прэтэндуюць на званне адных з самых хуткіх у свеце:

10. Tesla P90D (250 кіламетраў на гадзіну).

Так, хуткасць Tesla P90D абмяжоўваецца адзнакай у 250 кіламетраў на гадзіну, але гэты электрычны аўтамабіль мае 762 конскія сілы пад капотам і здольны разгоняцца з месца да сотні ўсяго за 2,8 секунды.

9. Ford Shelby GT350 (290 кіламетраў на гадзіну).

У адрозненне ад звычайнага Mustang, GT350 гэта проста ракета. 526 конскіх сіл 5,2-літровага V8 разганяюць гэтага жарабца з нуля да сотні за 3,7 секунды. А для кіроўцаў, якім не патрэбен кандыцыянер і іншыя выгоды, што павялічваюць вагу аўтамабіля, існуе трэкавая версія GT350R.

8. Chevrolet Camaro ZL1 (295 кіламетраў на гадзіну).

Chevrolet Camaro ZL1 з 580 конскімі сіламі, 6,2-літровым V8, гэта адзін з самых грозных аўтамабіляў на дарозе.

7. Chevrolet Corvette Z06 (300 кіламетраў на гадзіну)

Chevrolet Corvette гэта легендарны аўтамабіль, але ён ніколі не быў досыць хуткім, каб лічыцца суперкарам. І толькі новае пакаленне змагло пераадолець адзнаку 300 кіламетраў за гадзіну. 650 конскіх сіл разганяюць новы Chevrolet Corvette Z06 да сотні за 2,95 секунды, што даволі не дрэнны паказчык у свеце суперкараў.

6. Dodge Hellcat Challenger (320 кіламетраў на гадзіну).

Калі вы любіце амерыканскія мускулістыя аўтамабілі, то гэты 707-моцны монстр, які можа разагнацца з нуля да сотні за 3 секунды, вам дакладна спадабаецца.

5. Equus Bass 770 (325 кіламетраў на гадзіну).

Упершыню прадстаўлены ў 2014 годзе на Дэтройтскім міжнародным аўтамабільным шоў Equus Bass 770 мае выгляд класічнага мускулістага аўтамабіля. Большасць дэталяў яго кузава выкананы з вугляроднага валакна і алюмінія, а яго 6,2-літровы V8 з наддувам быў запазычаны ў Chevrolet Corvette.

4. Cadillac CTS-V (325 кіламетраў на гадзіну).

Перадапошні CTS-V быў не дрэнны, але ў 2016 годзе Cadillac зрабіў гэтую мадэль яшчэ лепшай. Гэта аўтамабіль кіроўцы называюць чатырохдзвярны Chevrolet Corvette, і яны не перабольшваюць. Таму што яго 640-моцны V8 з наддувам быў запазычаны ў Chevrolet Corvette Z06, які інжынеры Cadillac зрабілі яшчэ больш магутным. Ад нуля да сотні гэты прыгожы седан разганяецца за 3,7 секунды.

3. Dodge Hellcat Charger (330 кіламетраў на гадзіну).

Як і Cadillac CTS-V, вялікі чатырохдзвярны Dodge Hellcat Charger запазычыў сваю сілавую ўстаноўку ў свайго двухдзвярнога брата Dodge Challenger. Фактычна, гэта самы хуткі серыйны седан у свеце. 707-моцны 6,2-літровы V8 з наддувам разганяе гэты аўтамабіль да сотні за 3,7 секунды.

2. Dodge SRT Viper (335 кіламетраў у гадзіну).

У Dodge SRT Viper выкарыстоўваецца рухавік V10 аб'ёмам 8,4 літра, які развівае 640 конскіх сіл, здольны разганяць гэты суперкар з месца да сотні за 3 секунды. Маючы максімальную хуткасць у 335 кіламетраў у гадзіну і цану, як у Mercedes-Benz S-Class, на рынку ён можа скласці канкурэнцыю Ferrari.

Было б злачынствам не паставіць Hennessey Venom GT у верхнюю частку спісу. Здольны развіваць хуткасць да 435 кіламетраў на гадзіну, гэты аўтамабіль пабіў рэкорд Bugatti Veyron і стаў самым хуткім серыйным аўтамабілем у свеце. Дзякуючы свайму 7,0-літроваму рухавіку магутнасцю 1,244 конскіх сілы ён разганяецца да сотні ўсяго за 2,5 секунды, вырываючы ямы на асфальце.