У Беларусі адрадзілі пламбір без Е-дадаткаў

Лімітаваную партыю пламбіру паводле рэцэпта 1938 года выпусцілі на фабрыцы брэнда «Белы Полюс».

Пра гэта распавялі «Минск-Новости» на прадпрыемстве.

- Партыя «Белы полюс 1938» з 500 тысячамі пачкаў адправіцца на прылаўкі крам ужо ў пачатку чэрвеня, - распавёў Максім Журовіч, намеснік дырэктара ў маркетынгу фабрыкі «Белы Полюс». - Гэта нацыянальны пламбір, які захоўвае гісторыю ўсіх 80 гадоў вытворчасці марозіва і зроблены спецыяльна для беларусаў. Набыць яго можна толькі ў нашай краіне. І выпускам юбілейнага пламбіру мы хочам нагадаць, што гісторыя складаецца не толькі з гучных падзей, але і з простых рэчаў, блізкіх кожнаму.

Новае ранейшае марозіва са смакам класічнага пламбіру, але больш цяжкае (90 грамаў замест звычайных 70): у ім больш вяршкоў і прыкметна менш паветра. Складаецца ўсяго з 8 інгрэдыентаў, знаёмых кожнай гаспадыні - свежых вяршкоў, згушчанага і сухога малака, сметанковага масла, мукі, вады, цукру, ваніліну. Мука замяняе стабілізатары (тыя самыя Е-дадаткі).

Нягледзячы на простыя складнікі, дома ўзнавіць «смак дзяцінства» не атрымаецца. На вытворчасці сумесь праходзіць стадыю фрызеравання, калі прадукт замарожваюць і насычаюць паветранымі бурбалкамі. Дарэчы, мука ў складзе рэгулюе колькасць бурбалак і не дае пламбіру стаць занадта сітаватым.

Праз асаблівасці рэцэптуры тэрмін прыдатнасці ў «Белага полюса 1938» удвая меншы чым звычайна: усяго паўгода. Тады як халодны ласунак з Е-дадаткамі ў замарожаным выглядзе можа ляжаць у лядоўні супермаркета і год.

Каб выпусціць партыю без Е-дадаткаў, фабрыка ўзнавіла тэхналогію 30-х гадоў мінулага стагоддзя. Глазуру для эскімо тут таксама вырабляюць паводле гістарычнага рэцэпта - масла, какава-парашок і цукар.

На прылаўках у крамах краіны з'явіцца не толькі легендарны савецкі пламбір у хрумсткай вафлевай шкляначцы, але і тое самае, неймаверна смачнае эскімо.