Камунальнікі патрабуюць у гамельчукоў зафарбаваць непрыстойныя словы ў пад'ездзе

Незвычайныя абвесткі ўбачылі на сваіх пад'ездах жыхары вуліцы Талаліхіна ў Гомелі.

Супрацоўнікі РЭУ-15 запатрабавалі ад жыхароў, каб тыя самастойна зафарбавалі непрыстойныя словы на сценах на лесвічных пляцоўках да канца траўня, паведамляе сайт gomel.today.

Калі жыхары не выправяць сітуацыю самі, то камунальнікі пагражаюць пафарбаваць сцены за кошт жыхароў. А кошт рамонтных работ будзе ўнесены ў квітанцыі плацяжоў.