Экс-прэм'ер Македоніі атрымаў два гады турмы за карупцыю

Нікола Грыевскі падаў у адстаўку пасля масавых пратэстаў у 2016 годзе.

Былы прэм'ер-міністр Македоніі Нікола Груеўскім судом у Скоп'е прызнаны вінаватым у злоўжыванні службовымі паўнамоцтвамі і прысуджаны да двух гадоў пазбаўлення волі за махінацыі з тэндэрам на куплю браніраванага Mercedes. Пра гэта паведамляе РБК са спасылкай на партал «МКД».

На лаве падсудных таксама аказаўся памочнік кіраўніка МУС Джока Папоўскі, які атрымаў шэсць з паловай гадоў турмы. Судовыя слуханні ў дачыненні да трэцяй фігуранткі справы - былой міністаркі ўнутраных спраў Гарданы Янкулоскай - вядуцца асобна праз яе цяжарнасць, удакладняе партал Balkan Insight.

Паводле звестак следства, Груеўскі папрасіў Янкулоскую набыць Mercedes за €580 тысяч за сродкі дзяржаўнага бюджэту, а міністарка затым сказала Папоўскаму правесці тэндэр так, каб яго выйграў дылер Mercedes у Македоніі.

«Абвінавачаныя ведалі, што гаворка ідзе пра выключна дарагі аўтамабіль. Груеўскі запатрабаваў, а Янкулоская зрабіла службовае дзеянне, якое не мела права здзяйсняць, і падбухторыла Папоўскага ўчыніць злоўжыванне службовым становішчам», - цытуе партал суддзю Дабрылу Кацарскі.

Акрамя таго, Груеўскі атрымаў «адкат» ад угоды, падае словы суддзі Reuters. Паводле звестак агенцтва, ён з'яўляецца фігурантам яшчэ пяці спраў.

Нікола Грыеўскі падаў у адстаўку пасля масавых пратэстаў у 2016 годзе. Пратэстоўцы абвінавачвалі яго ў пераследзе апазіцыі і карупцыі.