Прэс-сакратарку Навальнага арыштавалі на 25 дзён за паведамленне ў Twitter
4- 23.05.2018, 19:17
- 13,752
Паліцыя затрымала Кіру Ярмыш 22 траўня.
Цвярскі суд Масквы арыштаваў на 25 дзён прэс-сакратарку расейскага апазіцыйнага палітыка Аляксея Навальнага Кіру Ярмыш. Пра гэта яна паведаміла ў Twitter.
«25 дзён - гэта глупства, калі ведаеш, што маеш рацыю і з табой падтрымка столькіх людзей. Усім шчасліва заставацца, убачымся на апеляцыі», - напісала яна.
25 суток - это ерунда, когда знаешь, что прав и с тобой поддержка стольких людей. Всем счастливо оставаться, увидимся на апелляции)
— Кира Ярмыш (@Kira_Yarmysh) 23 мая 2018 г.
Ярмыш распавяла, што меру стрымання ёй абіралі праз два паведамленні ў Twitter за 12 красавіка з запрашэннем на мітынг 5 траўня. Апавяшчэнне пра акцыю пратэсту было пададзенае ў мэрыю Масквы 20 красавіка, 25 красавіка акцыю забаранілі.
Юрыстка Фонду барацьбы з карупцыяй Навальнага Любоў Собаль пацвердзіла ў Twitter, што Ярмыш арыштавалі за паведамленне ў Twitter.
«Выступіла сведкам на судзе у Кіры Ярмыш, якую судзяць за допіс, які яна напісала яшчэ да таго, як стала вядома, што мэрыя хоча забараніць акцыю. Як заяўнік мітынгу 5 траўня я атрымала апавяшчэнне толькі 10 траўня. Абсурднае справа нават з пункту гледжання фармальнага закону», - уважае яна.
Выступила свидетелем на суде у Киры Ярмыш @Kira_Yarmysh , которую судят за твит, который она написала ещё до того, как стало известно, что мэрия хочет запретить акцию. Как заявитель митинга 5 мая, я получила уведомление только 10 мая. Абсурдное дело даже с т.з. формального закона
— Соболь Любовь (@SobolLubov) 23 мая 2018 г.
Паліцыя затрымала Ярмыш 22 траўня.
12 красавіка Ярмыш напісала: «Мы гэтую ўладу не выбіралі. Выйсці на вуліцу 5 траўня - гэта сказаць самому сабе і ўсім вакол: «Я не згодны з тым, што адбываецца». А таксама: «5 траўня выходзім на вуліцы».
Мы эту власть не выбирали. Выйти на улицу 5 мая - это сказать самому себе и всем вокруг "я не согласен с тем, что происходит".
— Кира Ярмыш (@Kira_Yarmysh) 12 апреля 2018 г.
Если выборов больше нет, заявить о своем мнении можно только так: https://t.co/2k3nFrTs1S
5 мая выходим на улицы https://t.co/JFfrASfSKn
— Кира Ярмыш (@Kira_Yarmysh) 12 апреля 2018 г.
