Пампея: Вашынгтон не дапусціць умяшання РФ у выбары ў Кангрэс

Вашынгтон распачне «адпаведныя контрмеры» ў дачыненні да «працягу намаганняў» з боку РФ.

Дзяржаўны сакратар ЗША Майк Пампея паабяцаў, што адміністрацыя прэзідэнта Дональда Трампа не пацерпіць умяшання Расеі ў прамежкавыя выбары ў Кангрэс у 2018 годзе, паведамляе nv.ua.

Пра гэта ён заявіў на слуханнях у Камітэце Палаты прадстаўнікоў замежных спраў, паведамляе AP.

Са слоў кіраўніка Дзярждэпу, Вашынгтон распачне «адпаведныя контрмеры» ў дачыненні да «працягу намаганняў» з боку Расеі. Ён не канкрэтызаваў, што маецца на ўвазе пад расейскім умяшаннем або контрзахадамі.

Пры гэтым Пампея падкрэсліў, што «шмат ужо зроблена, але шмат яшчэ трэба будзе зрабіць».

Раней Майк Пампея, які быў дырэктарам Цэнтральнага разведвальнага ўпраўлення ЗША, заявіў, што Расея спрабуе падарваць выбары ў Кангрэс ЗША, якія адбудуцца ў лістападзе 2018 года.

Амерыканскія спецслужбы прыйшлі да высновы, што Расея ўмяшалася ў прэзідэнцкія выбары ў 2016 годзе, спрабуючы дапамагчы прэзідэнту Дональду Трампу перамагчы, часткова, апублікаваўшы перапіску кандыдаткі ў прэзідэнты ад Дэмакратычнай партыі Хілары Клінтан, што падарвала яе імідж, а таксама распаўсюджваючы прапаганду ў сацыяльных сетках. Масква адмаўляе ўмяшанне ў выбары.