Леанід Заіка: Пасада Лукашэнкі - гэта ўчарашні дзень

Такія правадыры проста асуджаныя.

Пра гэта ў інтэрв'ю primus.by заявіў кіраўнік аналітычнага цэнтра «Стратэгія» Леанід Заіка:

- Мы ўсім Савецкім Саюзам былі ідыётамі. Усе 80-я гады была суцэльная зайздрасць да Захаду. А як жа інакш: у СССР мяса за талоны - «паўтара кілаграма на чалавека, і то адныя косці».

У чым была савецкая дурасць? Захад дасягнуў свайго багацця спажывецкіх тавараў дзякуючы рынку. І фармальна ўдалай формай палітычнай арганізацыі там разглядалася прэзідэнцкая ўлада - прэзідэнтура. Расейцы на гэта ўзяліся, бо яны заўсёды сябе параўноўваюць толькі са Свазілендам і Амерыкай. Вось і зрабілі па-амерыканску - увялі пасаду прэзідэнта.

Тым больш, што для былых савецкіх рэспублік гэта пасавала: ты быў першы сакратар - і стаў прэзідэнтам. Вось і пайшло-паехала. 25 гадоў гэта працавала, а потым людзі глядзяць, што гэтыя прэзідэнты - зусім не прэзідэнты, а звычайныя злодзеі. Што ўлада - не ўлада, а замаскаваная наменклатура. Што нічога не адбылося, а проста на тыя грошы, на якія раней развівалася ахова здароўя і адукацыя, наменклатура стала жыць за мяжой.

Пасада прэзідэнта - гэта ўчарашні дзень. Беларусі даўно час ад гэтага сыходзіць. Асабіста я рэкамендую Лукашэнку перавесці краіну ў рэжым парламенцкай рэспублікі і сыходзіць.

Усе гэтыя постсавецкія прэзідэнты - яны проста пакідаюць пасля сябе міннае поле. На халеру патрэбныя такія палітыкі, пасля якіх толькі ходзіш і падрываешся? Паспрабавалі гэтую казку пра заходнюю краму, у якой 40 тысяч тавараў - і годзе. Наогул рынак сам напоўніць эканоміку таварамі - вы толькі не перашкаджайце. Незалежна ад таго, ёсць прэзідэнт ці не.

Гэтых прэзідэнтаў я называю «іпэшнікі». Яны індывідуальныя вытворцы. У іх няма ні капіталу свайго, ні акцыянернага таварыства. Ім асуджаныя, як усе ІП.

Дзеля чаго праводзіліся ўсе гэтыя эксперыменты? 27 гадоў практычна краіну проста пілавалі.

Некаторыя пытаюцца: вось Лукашэнка сыдзе (а ён сказаў, што з'едзе ў Палінезію жыць), і хто будзе замест яго?

Ведаеце, ёсць дурні, якія жэняцца з прыгожай жанчынай і думаюць, што нікога больш прыгожага няма. А калі пачынаюць правяраць, высвятляецца, што, акрамя тваёй жонкі, ёсць шмат прыгожых жанчын.