Штрафныя балы для кіроўцаў: падрабязна пра ўсе нюансы

МУС прапанавала ацэньваць парушэнні правілаў дарожнага руху ў балах.

У выпадку атрымання пятнаццаці балаў цягам года будуць пазбаўляць права кіравання аўтамабілем. Праект з адпаведнымі зменамі ў закон «Аб дарожным руху» вынесены на грамадскае абмеркаванне.

Згодна з праектам, за кожнае адміністрацыйнае правапарушэнне кіроўцу будуць налічаць ад аднаго да чатырох балаў у залежнасці ад грамадскай небяспекі парушэнні і адміністрацыйнага спагнання. Напрыклад, адзін бал можна атрымаць за няпройдзены тэхагляд, парушэнне правілаў прыпынення, стаянкі, непрышпілены рэмень, а таксама за правапарушэнні, зафіксаваныя камерамі фота - і відэаздымкі (перавышэнне хуткасці, няправільная паркоўка), піша belmarket.by.

На два штрафныя балы прапанавана ацэньваць парушэнне патрабаванняў дарожных знакаў і разметкі, праезд на чырвонае святло або невыкананне патрабаванняў рэгулятара. Тры балы прадугледжаны за перавышэнне хуткасці на 30 км/г і больш, невыкананне патрабавання супрацоўніка ДАІ аб прыпыненні. Няпропуск спецмашын, выезд на сустрэчную паласу, калі гэта забаронена, кіраванне аўтамабілем у стане алкагольнага ап'янення, пакіданне месца ДТЗ прапанавана ацэньваць на чатыры штрафных балы.

Мяркуецца, што адсочваць колькасць атрыманых балаў за парушэнні ПДР можна будзе праз адмысловы дадатак ў сетцы Інтэрнэт. Калі цягам года кіроўца набярэ 15 і больш штрафных балаў (напрыклад, учыніць пятнаццаць нязначных або чатыры сур'ёзныя правапарушэнні), то яго пазбавяць правоў на шэсць месяцаў.

Варта адзначыць, што сістэма ўключае ў сябе не ўсе правапарушэнні.

Напрыклад, праект не прадугледжвае налічэнне штрафных балаў за эксплуатацыю або допуск да ўдзелу ў дарожным руху транспартнага сродку без дамовы абавязковага страхавання грамадзянскай адказнасці ўладальнікаў транспартных сродкаў (арт 18.20 КоАП). Такі падыход выклікае пытанні, бо пазначаны артыкул прадугледжвае немалую адказнасць. Акрамя таго, такія правапарушэнні фіксуюцца даволі часта.

Сістэма балаў не тычыцца кіравання аўто са свядома схаваным, падробленым ці іншым чынам змененым рэгістрацыйным знакам, VIN-нумарам альбо без такога знака (ч 6 арт 18.12 КоАП). Не будуць налічаны балы за кіраванне транспартным сродкам з нечытэльным, нестандартным або устаноўленым з парушэннем рэгістрацыйным знакам (ч 8 арт 18.12 КоАП). Выключэнне закранула і іншых парушэнні правілаў дарожнага руху (ч 5 арт 18.22 КоАП).

Ёсць юрыдычныя накладкі

У ДАІ адзначылі, што добрасумленным кіроўцам не варта трывожыцца з нагоды ўвядзення новай сістэмы, бо за год цяжка ўчыніць такую колькасць правапарушэнняў, за што пазбаўляюць права кіраваць аўто. З іншага боку, на думку шэрагу экспэртаў, прапанаваная МУС сістэма штрафных балаў патрабуе як мінімум дапрацоўкі. Па-першае, у заяўленым выглядзе яна мае на мэце падвойнае пакаранне за адно і тое ж правапарушэнне, што супярэчыць адміністрацыйнаму працэсу. За адно правапарушэнне можа быць накладзена асноўнае або асноўнае і дадатковыя спагнанні. Штрафныя балы не залічваюцца ні да асноўнага, ні да дадатковага спагнання.

Па-другое, калі і ўводзіць штрафныя балы, то лагічней прывязаць іх не да памеру штрафу, а да канкрэтнага артыкула. Напрыклад, за кіраванне аўтамабілем у стане алкагольнага ап'янення прадугледжана налічэнне чатырох балаў, тады як, згодна арт. 18.16 КоАП, за гэтую правіну прадугледжана пазбаўленне пасведчання на тры гады. У такім выпадку сэнсу ў штрафных балах няма зусім, бо кіроўца і так пазбавіцца пасведчання.

Сістэма балаў можа стварыць цяжкасці для таксістаў і іншых прафесійных кіроўцаў. З непрыемнымі сюрпрызамі могуць сутыкнуцца ўладальнікі аўтамашын, якія здаюць іх у арэнду, бо штрафныя балы за парушэнні, выяўленыя з дапамогай фота - і відэафіксацыі, будуць налічвацца на іх імя.

Паездка без межаў

Нягледзячы на тое што выдаюцца ў Беларусі выдадзеныя пасведчанні кіроўцы ўважаюцца за міжнародныя, за мяжой могуць узнікаць цяжкасці з імі. Напрыклад, у Італіі цяжка ўзяць напракат аўтамабіль, а ў Гішпаніі беларускае пасведчанне і зусім несапраўднае. Рэч у тым, што пасведчанні цяперашняга ўзору крыху адрозніваюцца ад міжнароднага пасведчання кіроўцы — кніжачка фармату A6 (крыху большыя за пашпарт), якая змяшчае інфармацыю на розных мовах.

У сувязі з гэтым МУС плануе пачаць выдаваць міжнароднае пасведчанне кіроўцы на падставе нацыянальнага. Новы дакумент прапануюць выдаваць на добраахвотнай аснове. Міжнароднае пасведчанне кіроўцы будзе сапраўдным тры гады або да заканчэння тэрміну дзеяння беларускага пасведчання ў залежнасці ад таго, які тэрмін наступіць раней. Для кіравання аўто ў Беларусі міжнароднае пасведчанне не спатрэбіцца.

Забарона на бестэрміновыя пасведчанні

Тэрмін дзеяння ўсіх выдадзеных у Беларусі і на тэрыторыі былога СССР бестэрміновых пасведчанняў кіроўцы прапанавана абмежаваць з 1 студзеня 2020 года. Такім чынам, пасля названай даты несапраўднымі могуць быць прызнаныя пасведчанні, якія выдаваліся да 1995 года.

Неабходнасць замены пасведчання МУС патлумачыла тым, што дакументы старога ўзору (без тэрміну дзеяння) лёгка падрабіць з прычыны мінімальнай ступені абароны. Звесткі аб такіх пасведчаннях кіроўцы адсутнічаюць у інфармацыйных сістэмах МУС. У некаторых выпадках гэтыя пасведчанні не дазваляюць вызначыць нават асобу кіроўцы, што можа стаць прычынай яго затрымання. Акрамя таго, бестэрміновыя правы не стымулююць грамадзян праходзіць медыцынскі агляд, пры тым, што кожны год у краіне адбываецца нямала ДТЗ, выкліканых дрэнным самаадчуваннем кіроўцаў