Фотафакт: У Полацку выпаў буйны град

Здымкамі буйных гарошын граду многія гараджане падзяліліся ў сацыяльных сетках.

Буйны град выпаў у Полацку, паведамляе БелТА.

Кароткачасовы град прайшоў на працягу некалькіх хвілін а 15.00, змяніўшыся ліўнем. Аднак гэтага часу хапіла, каб паспець засняць буйныя гарошыны і нават вымераць іх. Здымкамі граду многія гараджане паспяшаліся падзяліцца ў сацыяльных сетках.

Са слоў афіцыйнай прадстаўніцы Віцебскага абласнога ўпраўлення МНС Марыны Фандо, інфармацыі пра пашкоджанні або пацярпелых ад гэтай неспрыяльнай з'явы ў абласное ведамства не паступала.