У Літве лекарам павялічылі заробкі на сотні еўраў

На падвышэнне заробкаў лекараў у краіне-суседцы Беларусі прадугледзелі амаль 100 мільёнаў еўраў.

Пасля пастановы аб дадатковым фінансаванні заробкі лекараў Сантарышкскай клінікі ў сярэднім павялічыліся на 290, а медсясцёр - на 150 еўраў, піша сайт delfi.lt.

На рэкамендацыю Міністэрства аховы здароўя, у першую чаргу заробкі будуць павялічаныя спецыялістам, якія мелі мінімальныя даходы.

Прэс-сакратар клінікі Гіта Летукене, сказала, што ўсё дадатковае фінансаванне пойдзе на падвышэнне заробкаў. Са слоў міністра аховы здароўя Аўрэліуса Верыгі, сталы заробак лекара павінен быць не менш 1000 еўраў «на паперы», а мінімальны заробак медсястры - 700 еўраў «на паперы», а заробкі медсясцёр без вышэйшай адукацыі не павінны быць ніжэйшымі за 600 еўраў «на паперы».

Міністр падкрэсліў, што базавыя кошты паслуг гарантуюць мінімальныя заробкі лекараў ва ўсёй Літве. Вярыга падкрэсліў, што гэта пагадненне будзе дзейнічаць як заканадаўчы акт.

Установы аховы здароўя не могуць не выконваць яго ўмовы, а калі паспрабуюць, то прафзвязы змогуць патрабаваць падвышэння заробкаў праз суд. Віцэ-прэзідэнт Літоўскага саюза лекараў Лаймутэ Вайдэлене сказала, што ўкладання такога пагаднення дамагаліся тры гады.

«Пагадненне гарантуе справядлівае размеркаванне сродкаў паміж установамі сістэмы аховы здароўя», - сказала Вайдэлене. Паводле яе слоў, наступныя дзеянні - дамагацца далейшага падвышэння заробкаў - да 2020 г яшчэ на 20% штогод, усяго на 60%. Усе ўстановы сістэмы аховы здароўя, прадстаўнікі якіх падпісалі пагадненне, абавязаныя падвышаць заробкі лекараў з дадатковых сродкаў ОНЗ, паводле крытэраў, устаноўленых у калектыўнай дамове.

На падвышэнне заробкаў лекараў з Дзяржаўнай бальнічнай касы і і Фонду ОНЗ выдаткуюць амаль 100 млн еўраў. Таму ў траўні сярэдні заробак лекараў павінен складаць 1877 еўраў (у сярэднім ён павялічыцца на 300 еўраў), а медсёстры - 952 еўраў (у сярэднім ён павялічыцца на 150 еўраў). Нагадаем, што ў літоўскіх шпіталях дзейнічае розны парадак аплаты працы лекараў.

У некаторых лякарнях заробкі лекараў меншыя за 1000 еўраў, у іншых 2200 еўраў (сярэдні за 2017 г - 1376 еўраў). Адпаведна заробкі медсясцёр у некаторых лякарнях былі ніжэйшымі за 500 еўраў, а ў іншых - большымі за 800 еўраў (сярэдні за 2017 г - 621 еўра).