Акадэмік з РФ: Крымскі мост абрынецца пасля першага прыроднага катаклізму

Мост пабудаваны на такім адцінку зямной кары, дзе ён доўга не зможа прастаяць.

Уведзены ў эксплуатацыю Крымскі мост не вытрымае прыродных варункаў Керчанскай затокі. Такое меркаванне выказаў старшы навуковы супрацоўнік Расейскай акадэміі навук, Інстытута водных праблем РАН Юры Медавар у эфіры тэлеканала ZIK.

"Я проста баюся, што да першага прыроднага катаклізму. На гэтым на ім можна будзе паставіць крыж... Гэты мост - чыста палітычная пастанова, а не эканамічная ці мэтазгодныя", - заявіў ён.

Са слоў Медавара, у раёне Крымскага моста ёсць і геатэрмальныя праблемы, і складаны тэмпературны рэжым, і пагроза ледаставу праз апрасненне марской вады рэкамі, што ўпадаюць ў мора.

"Увогуле, усё, што можна, - у гэтым месцы ёсць. Вось калі ёсць паняцце "пекла", давайце гіпатэтычна ўявім, што гэта - пекла. Усе паскудства, якое бывае ў прыродным катаклізме, у будове зямной кары, - вось там усё і сабрана. Усе адмоўнае, усё негатыўнае, а мы там мост пабудавалі", - адзначыў навуковец.

15 траўня Пуцін адкрыў Крымскі мост, які злучае Расею і акупаваны Крым. Ён праехаўся па мосце за стырном КамАЗа.

Прэзідэнт Украіны Пятро Парашэнка заявіў, што транспартны пераход "абавязкова спатрэбіцца акупантам, калі яны будуць тэрмінова пакідаць Крым".

У Міністэрстве замежных спраў Украіны паведамілі, што будуць працаваць над увядзеннем санкцый супраць юрыдычных і фізічных асоб, якія маюць дачыненне да незаконнага будаўніцтву моста.

Пракуратура Аўтаномнай Рэспублікі Крым правярае еўрапейскія кампаніі, якія маглі ўдзельнічаць у будаўніцтве моста з Расеі на акупаваную паўвыспу.

У Еўрапейскім звязе адзначылі, што з дапамогай гэтага транспартнага пераходу Крэмль спрабуе ўзмацніць інтэграцыю Крыма ў складзе РФ.

Афіцыйная прадстаўніца Дзяржаўнага дэпартамэнту ЗША Хізэр Ноерт заявіла, што ЗША асуджаюць адкрыццё моста. Яна падкрэсліла, што будаўніцтва, якое праводзілася без дазволу ўрада Украіны, з'яўляецца "напамінам пра бесперапынную гатоўнасць Расеі парушаць міжнароднае права". Таксама Ноерт нагадала, што шэраг расейскіх кампаній, якія ўдзельнічалі ў будаўніцтве моста, знаходзяцца ў санкцыйных спісе ЗША.