Камітэт Еўрапарламента прагаласаваў за выдачу Украіне $1 мільярда
1- 16.05.2018, 14:21
- 7,222
Макрафінансавая дапамога выдаецца для правядзення палітычных рэформаў.
Камітэт у замежных справах Еўрапейскага парламента прыняў пастанову аб выдачы макрафінансавай дапамогі Украіне.
Пра гэта ў Twitter паведаміў брусэльскі карэспандэнт «Радыё Свабода» Рыкард Ёзвяк.
«Камітэт у замежных справах Еўрапарламента прагаласаваў за выдачу макрафінансавай дапамогі для Украіны, але дадаў папраўку, што «склад Цэнтральнай выбарчай камісіі Украіны дэманструе палітычны баланс, які прадстаўляе ўсе адпаведныя палітычныя сілы, асабліва тыя, якія прадстаўленыя ў Радзе», - напісаў Ёзвяк.
the EP's foreign affairs committee voted in favour of a new MFA for #Ukraine but added the amendment that "the composition of the Central Election Commission of Ukraine reflects a political balance representing all relevant political forces, notably those represented in the Rada"
— Rikard Jozwiak (@RikardJozwiak) 16 мая 2018 г.
Як паведамлялася, у сакавіку Еўракамісія афіцыйна запусціла працэдуру выдачы Украіне 1 млрд еўраў фіндапамогі. Ва Украіне разлічвалі на большыя аб'ёмы.
Аднак, афіцыйная камунікацыя ЕК з гэтай нагоды, накіраваная ў Еўрапарламент, пацвярджае, што нават першую рату Кіеву дадуць толькі пасля выканання ўмоваў. «Трэба вызначыць спецыфічныя ўмовы для кожнай з дзвюх ратаў дапамогі», - гаворыцца ў дакументах Еўракамісіі.