Леанід Судаленка: Возьмем у рукі плакаты і падтрымаем «Хартыю-97»
- 2.02.2018, 14:57
- 25,819
Гамельчукі рыхтуюць вулічнае шэсце ў падтрымку незалежнага сайта.
Пра гэта сайту Сharter97.org заявіў юрыст незалежнага прафзвязу РЭП, вядомы гомельскі праваабаронца Леанід Судаленка:
- Стаўленне да гэтай падзеі мы выказалі, падаўшы заяўку на правядзенне вулічнага шэсця ў падтрымку сайта Сharer97.org. Хочацца падтрымаць незалежны сайт, блакіроўка якога з'яўляецца ўдарам па свабодзе слова і свабодзе выказвання меркаванняў у Беларусі.
«Хартыя-97» - самы чытаны і вядомы апазіцыйны рэсурс у нашай краіне. Улады наважылі паказаць, што хочуць кантраляваць тое, што чытаюць беларусы. Мы з гэтым нязгодныя і будзем пратэставаць.
Цяпер скажу як юрыст: калі ў Мінінфарма ёсць нейкія прэтэнзіі да сайта - юрыдычна іх абгрунтуйце. Атрымліваецца, што чыноўнікі сваёй пастановай, без нейкага разбору, прызналі сайт Сharter97.org «экстрэмісцкім». Мяне таксама калісьці называлі «экстрэмістам», здымалі з цягнікоў. Як я трапіў у гэты спіс, як мне адтуль выйсці - дагэтуль так і не зразумеў.
Таму мы і заявілі гэта шэсце ў салідарнасць з сайтам Сharter97.org. Возьмем плакаты, пройдзем вуліцамі горада і нагадаем гамельчукам, што ёсць такая праблема ў Беларусі.
Вельмі хочацца, каб вас хутчэй разблакавалі. Я прадаўжаю чытаць «Хартыю-97» і цяпер, ёсць шмат магчымасцяў абыйсці блакаванне: розныя праграмы і ананімайзэры. Зычу вам хутчэй вярнуцца ў інфармацыйную прастору Беларусі.
Нагадаем, што 24 студзеня рэжым Лукашэнкі заблакаваў незалежны інфармацыйны рэсурс Charter97.org. Блакаванне пацвердзіў першы намеснік міністра інфармацыі Ігар Луцкі.
Абыйсці блакаванне можна, і вось інструкцыі:
- Новыя простыя спосабы абысці блакаванне сайта Charter97.org
- Самы просты спосаб чытаць «Хартыю'97»
- Як абысці блакаванне сайта «Хартыя-97»