29 сакавiка 2024, Пятніца, 8:55
Падтрымайце
сайт
Сім сім,
Хартыя 97!
Рубрыкі

Павел Клімкін: Заяў пра агрэсію Расеі мала, патрэбныя дзеянні

Павел Клімкін: Заяў пра агрэсію Расеі мала, патрэбныя дзеянні
ПАВЕЛ КЛІМКІН
ФОТА: ANADOLU AGENCY/GETTY IMAGES

Міністр замежных спраў Украіны выступіў на пасяджэнні Рады міністраў замежных спраў АБСЕ.

Міжнародная супольнасць павінна кансалідавана адрэагаваць на акт узброенай агрэсіі РФ супраць Украіны каля Керчанскай пратокі, а таксама патрабаваць ад Масквы вярнуць палонных украінскіх маракоў.

Гэта адзначыў міністр замежных спраў Украіны Павел Клімкін падчас 25-га пасяджэння Рады міністраў замежных спраў АБСЕ ў Мілане, паведамляе censor.net.ua.

«Патрэбная хуткая і кансалідаваная міжнародная рэакцыя на гэты акт агрэсіі. Заяў недастаткова, патрэбны дзеянні», - заявіў ён, кажучы пра інцыдэнт 25 лістапада каля Керчанскай пратокі.

Клімкін нагадаў, што на парадку дня ўжо пятага пасяджэння Рады міністраў АБСЕ дамінуюць дэстабілізуючы паводзіны Расеі «як галоўная пагроза еўрапейскай бяспекі».

Сёлета Расея не перарывала гэтыя дзеянні, а, наадварот, пашырыла свае агрэсіўныя дзеянні на Азоўскае мора, Чорнае мора і Керчанскую пратоку.

Са слоў міністра, атака расейскіх вайскоўцаў на ўкраінскія караблі 25 лістапада каля Керчанскай пратоцы, паводле міжнароднага права, з'яўляецца актам агрэсіі.

Ён нагадаў, што 24 украінскіх марака захопленыя і цяпер з'яўляюцца вайскоўцамі, доступ да іх забаронены. «Мы павінны сумесна патрабаваць ад Расеі неадкладнага вызвалення і бяспечнага вяртання ва Украіну», - заявіў Клімкін.

Нагадаем, ВМС УС Украіны 25 лістапада паінфармавалі, што памежныя караблі Расейскай Федэрацыі ажыццявілі агрэсіўныя дзеянні супраць украінскіх караблёў, якія здзяйснялі планавы пераход з порта Адэсы ў порт Марыупаля Азоўскага мора. Між іншым, расейскі памежны карабель «Дон» учыніў таран украінскага рэйдавага буксіра, у выніку чаго быў пашкоджаны галоўны рухавік карабля, абшыўка і леерная агароджа, а таксама страчаны выратавальны плоцік.

Пры гэтым ВМС УСУ падкрэсліваюць, што пра намер ажыццявіць пераход папярэджвалі загадзя і дзейнічалі ў рамках міжнароднага права.

У той жа час, у ФСБ Расеі заяўляюць, што тры ўкраінскія вайсковыя караблі ў Азоўскім моры «незаконна ўвайшлі ў тэрытарыяльныя воды РФ і накіраваліся да Керчанскай пратокі».

Пазней ВМС Украіны паведамілі, што катары ФСБ РФ агнём на паразу пашкодзілі МБАК «Бердзянск», ёсць параненыя. А затым заявілі пра захоп усіх трох караблёў спецназам РФ і шэсць параненых.

26 лістапада Вярхоўная Рада прагаласавала за ўвядзенне ваеннага становішча тэрмінам на 30 дзён у Вінніцкай, Луганскай, Данецкай, Запарожскай, Мікалаеўскай, Адэскай, Сумскай, Харкаўскай, Чарнігаўскай і Херсонскай абласцях, таксама гэта тычыцца ўнутраных вод Азова-Керчанскай акваторыі.

30 лістапада маракоў перавезлі ў Маскву: 21 украінца даставілі ў маскоўскае СІЗА «Лефортава», 3 параненых - у «Матроскую цішыню».

Напісаць каментар

Таксама сачыце за акаўнтамі Charter97.org у сацыяльных сетках