На дзесяці станцыях менскага метро з'явіцца бясплатны Wi-Fi
5- 5.12.2018, 21:35
- 12,171
Бясплатны Wi-Fi з'явіцца вясной.
Бясплатны Wi-Fi з'явіцца на дзесяці станцыях сталічнага метрапалітэна ў 2019 годзе, паведамілі агенцтву «Минск-Новости» ў кампаніі «Дзелавая сетка».
Будуць абсталяваны пункты доступу на шасці станцыях: «Пятроўшчыне», «Плошчы Леніна», «Уручча», «Першамайскай», «Нямізе», «Аўтазаводскай».
- Іх падключаць у першую чаргу, ужо вясной 2019-га, бо гэтыя станцыі размешчаны побач са знакавымі спартыўнымі аб'ектамі: «Аўтазаводская» - ля «Чыжоўка-Арэны», «Плошча Леніна» і «Першамайская» - ля стадыёна «Дынама», «Няміга» - ля Палаца спорту, «Уручча» - ля аднайменнага спартыўнага комплексу. Станцыя «Пятроўшчына» мае выхад да Студэнцкай вёскі, у якой на час Гульняў размесцяць спартоўцаў з іншых краін, - кажуць у кампаніі.
Яшчэ чатыры пункты доступу абсталююць да канца наступнага года на станцыях «Акадэмія навук», «Плошча Якуба Коласа», «Маскоўская» і «Каменная Горка».
Нагадаем, бясплатны Wi-Fi з'явіўся ў ліпені на Купалаўскай і Кастрычніцкай.
- У метро з дапамогай бясплатнага Wi-Fi да інтэрнэту падключаюцца ў сярэднім 6-6,5 тысячы карыстальнікаў штомесяц. Усплёск па колькасці сесій адзначаецца з 29-га на 31-е чысло. Імаверна, гэта тлумачыцца тым, што да канца месяца аб'ём індывідуальнага мабільнага інтэрнэт-трафіку ў карыстальнікаў, як правіла, ужо вычарпаны, - кажуць у «Дзелавой сетцы».
Каб падключыцца да інтэрнэту ў метро, трэба выбраць Free Wi-Fi Minsk і прайсці рэгістрацыю праз СМС-код.