Google закрывае сэрвіс з мільярдам карыстачоў

Пошукавы гігант закрые сэрвіс Hangouts.

Услед за закрыццём Google + пошукавы гігант пазбавіцца ад чарговага сэрвісу-мэсэнджара Hangouts. У 2013 годзе Google Talk быў перайменаваны ў Hangouts і атрымаў шэраг зручных новаўвядзенняў, а за час свайго існавання аўдыторыя карыстальнікаў вырасла да мільярда, але Google палічыў сэрвіс незапатрабаваным, піша «Сегодня».

У існы момант мэсэнджар існуе як асобны дадатак, убудаваны Gmail і некаторыя іншыя прадукты Google. Аднак Hangouts ужо даўно не атрымліваў абнаўленняў, таму яго закрыццё не выклікала здзіўлення - многія карыстачы ўжо даўно ім не карыстаюцца.

Дакладнай даты закрыцця Hangouts Google пакуль не называе, але імаверна гэта здарыцца ў 2020 годзе. У Google ёсць альтэрнатыўны мэсэнджар Allo, які таксама не карыстаецца асаблівай папулярнасцю і можа быць закрыты ўслед за Hangouts.

Варта ўспомніць, што паўгода таму каманда Allo перайшла ў развіццё сэрвісу Android Messages - дадатак паведамленняў з падтрымкай Chat, на які Google ўскладае вялікія надзеі.