Памёр амерыканскі актор Кен Бэры
1- 2.12.2018, 12:27
- 17,547
Амерыканскі актор Кен Бэры памёр ва ўзросце 85 гадоў.
Пра гэта паведамляе The Hollywood Reporter са спасылкай на ягоную былую жонку Джэкі Джозэф-Лоўрэнс.
Адзначаецца, што актор памёр у медыцынскім цэнтры ў каліфарнійскім горадзе Бербанк. Прычыны ягонай смерці не ўдакладняюцца.
Бэры нарадзіўся ў горадзе Малінэ штата Ілінойс у 1933 годзе. У дзяцінстве займаўся танцамі, удзельнічаў у розных конкурсах. Пасля заканчэння сярэдняй школы паступіў на вайсковую службу. Падчас службы пазнаёміўся з акторам Леанардам Німоем, якія разаслаў тэлеграмы ў розныя кінастудыі з просьбай запрасіць Бэры на кастынг. Пасля Бэры атрымаў прапанову ад студыі Universal і падпісаў кантракт.
Найбольшую вядомасць яму прынеслі ролі ў серыялах F Troop, The Andy Griffith Show, Mayberry RFD.