Літва наважыла выкупіць плывучы тэрмінал ЗПГ

Купля плывучага тэрмінала дапаможа Літве паменшыць залежнасць ад расейскай энэргіі.

Літоўскія дэпутаты прагаласавалі за куплю плывучага тэрмінала звадкаванага прыроднага газу Independence дзеля памяншэння залежнасць краіны ад расейскай энэргіі.

Пра гэта піша AP.

Клайпедскі плывучы тэрмінал у нарвежскай кампаніі Hoegh LNG трэба будзе выкупіць да канца 2024 года. Чакаецца, што судна-сховішча будзе каштаваць прыкладна 308 млн еўраў.

Тэрмінал прышвартаваўся ля ўзбярэжжа Літвы з 2014 года і выкарыстоўваецца для паставак прыроднага газу з Нарвегіі.

У 2017 годзе расейскі дзяржаўны «Газпрам» здзейсніў блізу 54% усіх паставак энэргіі ў Літву. Блізу 61,3% усяго газу імпартавалі праз тэрмінал Independence.