Пацыент загінуў у гомельскай лякарні пры дзіўных абставінах
9- 18.12.2018, 17:32
- 30,018
Цела мужчыны знайшлі ў дзень ягонай меркаванай выпіскі.
Гомельскі гарадскі аддзел Следчага камітэта праводзіць праверку па факце смерці мужчыны ў адной з медыцынскіх устаноў Гомеля, паведаміла БелТА афіцыйная прадстаўніца УСК Гомельскай вобласці Марыя Крываногава.
Жыхар Жлобінскага раёна 1957 года нараджэння праходзіў лячэнне ў лякарні абласнога цэнтра. 14 снежня, у дзень ягонай меркаванай выпіскі, цела мужчыны было знойдзена ў будынку медустановы. Абставінаў, якія паказваюць на крымінальны характар смерці, цяпер не ўстаноўлена, адзначыла Марыя Крываногава.
Следчыя высвятляюць абставіны здарэння, апытваюць сваякоў, медыцынскіх работнікаў і пацыентаў медустановы.
