СМІ: Ватыкан прызнаў Праваслаўную царкву Украіны

Дыпламатыя Экуменічнага патрыярхату перамагла маскоўскія інтрыгі.

Афіцыйны партал навін Ватыкана паведаміў аб абранні мітрапаліта Епіфанія кіраўніком новай Праваслаўнай царквы Украіны.

Пра гэта 18 студзеня паведаміў прэс-сакратар УПЦ Кіеўскага патрыярхату арцыбіскуп Яўстрацій Зора ў Facebook, піша «Украінская праўда».

Паводле ягоных слоў, фактычна, навіна аб абранні Епіфанія - гэта знак, што ПЦУ набывае для Ватыкана суб'ектнасць.

"Афіцыйны партал навін Ватыкана 17 студзеня паведаміў аб абранні Мітрапаліта Епіфанія кіраўніком аўтакефальнай УПЦ. Фактычна гэта знак таго, што ў адпаведнасці з парадкам экуменічнага дыялогу з праваслаўнымі цэрквамі ў сілу кананічнага прызнання Экуменічным патрыярхам Варфаламеем украінскай царквы і яе мітрапаліта - гэтая царква набывае для Ватыкана суб'ектнасць", - напісаў Я.Зора на сваёй старонцы ў сацсетцы Facebook у аўторак раніцай.

Паводле ягоных слоў, гэта "вельмі балючая навіна для Маскоўскай патрыярхіі, і вельмі важкая - для каталіцкага і ўсяго хрысціянскага свету".

"Хоць адсутнасць эўхарыстычнага адзінства паміж Каталіцкай царквой і Праваслаўнай царквой вызначае, што афіцыйна першая не ажыццяўляе нейкага царкоўнага акту прызнання новай аўтакефаліі, аднак фактычна распаўсюджванне гэтай афіцыйнай навіны з'яўляецца сігналам для ўсіх, хто яшчэ мае сумнеў, у тым ліку ў памесных цэрквах: дыпламатыя Экуменічнага патрыярхату перамагла маскоўскія патугі. А гэта значыць, што ў тых цэрквах, якія яшчэ не вызначыліся з прызнаннем аўтакефаліі, з'явіўся важкі аргумент зрабіць гэта адразу пасля ўручэння Томаса", - адзначае арцыбіскуп.

"Магчыма, менавіта таму Экуменічны патрыярх і прызначыў гэтую падзею на 6 студзеня - каб даць час тым, хто яшчэ вагаецца, прыняць правільную пастанову і падтрымаць новую аўтакефальную Царква-сястру", - рэзюмаваў Я.Зора.

Як раней паведамлялася, 15 снежня Аб'яднальны сабор у Кіеве абвясціў аб стварэнні памеснай Праваслаўнай царквы Украіны. Кіраўніком аб'яднанай царквы быў абраны Епіфаній (Думенка).