У Менску на вуліцы Арлоўскай сутыкнуліся пяць аўтамабіляў
7- 17.12.2018, 17:05
- 16,538
Надзвычайнае здарэнне адбылося праз невыкананне дыстанцыі.
Аварыя з удзелам пяці аўтамабіляў адбылася раніцай 17 снежня на сталічнай вуліцы Арлоўскай. Пра гэта tut.by паведамілі ў ДАІ ГУУС Менгарвыканкама.
Паводле інфармацыі інспектараў, сутыкненне адбылося праз невыкананне кіроўцамі бяспечнай дыстанцыі. Пацярпелых у аварыі няма. Некаторы час рух вуліцай Арлоўскай з боку праспекта Пераможцаў быў абцяжараны.
У ДАІ нагадалі, што кіроўцам неабходна перабудавацца на зімовы стыль кіравання: выбіраць бяспечны хуткасны рэжым з улікам стану праезнай часткі і бачнасці, трымаць бяспечную дыстанцыю і выконваць бакавы інтэрвал, пазбягаць рэзкіх манеўраў.