Аляксандр Няўзораў: Крэмль сутыкнецца з такімі ж бунтамі, як у Парыжы

Расейская ўлада абавязаная сесці і вывучаць апошні ўкраінскі Майдан.

- Мы цяпер бачым, што адбываецца ў Францыі. Мы бачым, што так, сапраўды, нягледзячы на ўсе саступкі, на якія пайшоў Макрон, французы не супакоіліся, - заявіў Аляксандр Няўзораў у эфіры Эха Москвы.

- Але ўлада сама вінаватая: не трэба было нікога даводзіць да такога стану, бо спыніць мяцеж, спыніць бунт - гэта я ведаю па сабе, бо ў мяне было хобі - удзел ва ўсіх дзяржаўных пераваротах, закалотах, якія толькі адбываліся ў гэтай краіне, - вось я магу сказаць, што спыніць удзел у бунце практычна немагчыма.

На думку Няўзорава, у кожнай праблемнай сітуацыі варта памятаць: заўсёды вінаватая ўлада.

- І ніякая ўлада не мае права нікога душыць і нікога разганяць, бо заўсёды паводле расейскага досведу дакладна ведаем, што заўсёды прычыны рэвалюцый і мяцяжоў - гэта ўлада, і што вінаватая заўсёды менавіта яна. ... Улада заўсёды не мае рацыі, і няма ніякіх сакральных фігур, няма ніякай сакральнасці ўлады, і кулі аднолькава ідуць у кожнае цела.

І цяпер, вядома, гэта расейская ўлада, якая ўсё адно рана ці позна сутыкнецца прыкладна з такой жа сітуацыі, як у Парыжы, яна абавязаная была б сесці і вывучаць Майдан, украінскі апошні Майдан. Не пырскаць слінай нянавісці і як бы агіды, не гэтым асуджэннем клінічных ідыётаў асуджаць, а менавіта вывучаць, бачыць, у якія хвіліны сітуацыя становіцца незваротнай і якія дзеянні ўлады абавязкова дэтануюць дзеянні ў адказ.

У адказе на пытанне журналісткі, чаму трэба вывучаць Майдан, а не Парыж, напрыклад, Няўзораў патлумачыў: ён вельмі блізкі, і вельмі зразумелы.

- Французы, яны больш смелыя і мабільныя, але яны паказалі, што не трэба ніякіх паўстанняў народных мас, што дастаткова 30 тысяч чалавек, для таго, каб цалкам перавярнуць звыклы ўклад, увогуле, шчаслівага жыцця.

...Наогул, такая добра надрэсіраваная ўлада, калі ёй паказваюць на выхад, пераканаўча паказваюць, яна, вядома, павінна неадкладна збіраць манаткі і не даводзіць да такіх канфліктаў, як гэта было ў Кіеве і да такіх канфліктаў, як гэта цяпер адбываецца ў Парыжы.