Аб'яднаўчы сабор абраў кіраўніка Украінскай царквы
48- 15.12.2018, 18:36
- 66,887
Гістарычная падзея адбылася сёння ў Кіеве.
Сёння, 15 снежня, на Аб'яднаўчым саборы ў Кіеве біскупы абралі кіраўніка памеснай украінскай праваслаўнай царквы. Як паведамляюць крыніцы liga.net, ім стаў біскуп Украінскай праваслаўнай царквы Кіеўскага патрыярхата Епіфаній.
Усяго ў саборы бралі ўдзел 190 чалавек. Больш за ўсё прадстаўнікоў УПЦ КП: у склад дэлегацыі ўвайшлі 42 архірэі і з імі па адным святары і прыхаджаніну. Увогуле 126 дэлегатаў. Кожны біскуп УПЦ МП таксама прыйшоў са святаром і прыхаджанінам, усяго - 30 чалавек. Украінская аўтакефальная праваслаўная царква пацвердзіла ўдзел 12 біскупаў (разам са святарамі і парафіянамі - 36 дэлегатаў).
Галасаванне праходзіла ў два туры.
Цяпер Епіфан, як было анансавана раней, атрымае томас аб аўтакефаліі памеснай украінскай праваслаўнай царквы.
Пазней прэзідэнт Украіны Пятро Парашэнка і кіраўнік адзінай украінскай праваслаўнай памеснай царквы Епіфаній падняліся на сцэну каля храма Сафіі. Прэзідэнт павіншаваў украінцаў са стварэннем адзінай царквы і абраннем яе зверхніка.