Трамп: ЗША могуць хутка заключыць з Кітаем «усеабдымную ўгоду»
2- 14.12.2018, 21:33
- 10,467
Прэзідэнт ЗША анансаваў заключэнне вялікага гандлёвага пагаднення з Кітаем.
Прэзідэнт ЗША Дональд Трамп заявіў пра магчымасць заключэння ў хуткім часе вялікага гандлёвага пагаднення з Кітаем.
«Кітай хоча заключыць вялікую і вельмі ўсеабдымную ўгоду. Гэта можа здарыцца, і досыць хутка!» - заявіў прэзідэнт ЗША на сваёй старонцы ў Twitter.
China just announced that their economy is growing much slower than anticipated because of our Trade War with them. They have just suspended U.S. Tariff Hikes. U.S. is doing very well. China wants to make a big and very comprehensive deal. It could happen, and rather soon!
— Donald J. Trump (@realDonaldTrump) 14 декабря 2018 г.
Трамп таксама нагадаў, што Кітай нядаўна адмовіўся ад павышэння мыт на аўтамабілі з ЗША.
«Кітай абвясціў, што яго эканоміка расце значна больш павольна, чым чакалася, праз гандлёвую вайну. Яны толькі што прыпынілі павышэнне мытаў для ЗША. У ЗША ўсё вельмі добра», - заявіў ён.
12 снежня СМІ паведамілі, што Кітай рыхтуецца знізіць мыты на імпарт аўтамабіляў з ЗША з 40% да 15%.
Дагэтуль на саміце Вялікай дваццаткі, які адбыўся 30 лістапада - 1 снежня ў Аргентыне прэзідэнт ЗША Дональд Трамп і кітайскі лідар Сі Цзіньпін дасягнулі часовага «перамір'я» ў гандлёвым супрацьстаянні, якое разгарнулася. ЗША пагадзіліся адкласці на 90 дзён узняцце штрафных мыт на кітайскія тавары - з 1 студзеня 2019 года амерыканскія мыты павінны былі вырасці з 10% да 25%. Акрамя таго, тады Трамп паведаміў, што і Кітай пагадзіўся пайсці на ўзаемныя крокі.
Лідары дзвюх краін дамовіліся на працягу гэтых трох месяцаў не накладваць новыя гандлёвыя абмежаванні і пастарацца дасягнуць новага двухбаковага гандлёвага пагаднення.
З пачатку ліпеня Пекін і Вашынгтон увялі ўзаемныя мыты на агульную суму больш як $100 млрд.
