Міхаіл Грабоўскі: Пакуль не гатовы прама сказаць, што завяршыў кар'еру

Вядомы беларускі нападнік заявіў, што гатовы дапамагаць беларускаму хакею.

Вядомы беларускі нападнік Міхаіл Грабоўскі так і не змог адказаць на пытанне пра працяг сваёй кар'еры, паведамляе «Трибуна».

«Я пакуль не гатовы адказаць на гэтае пытанне, прама сказаць, што завяршыў кар'еру. Дагэтуль сутыкаюся з усімі праблемамі. Напэўна, будзе складана вярнуцца і гуляць. Хачу быць у хакеі, як цяпер, глядзець назіраць, прыняць правільную для сябе пастанову і вызначыцца, што мне рабіць далей.

Гатовы дапамагаць [беларускаму хакею], і жывучы ў Канадзе. Галоўнае, жаданне людзей, каб я дапамагаў. З іншага боку, у мяне ёсць сям'я, якая, можна сказаць, канадская. Таму на гэты момант я не гатовы з'ехаць з дому. Нават знаходзячыся ў Беларусі, я б не змог надаваць столькі ўвагі камандзе, колькі павінен трэнер. Майму сыну 11 месяцаў. Хочацца правесці час з ім. Хоць нехта будзе любіць тату N1. Таму што, пакуль я гуляў, дзеці прывыклі да мамы. А цяпер сын больш цягнецца да таты: праводжу з ім увесь час. Прыемна - хацелася б праводзіць з ім увесь час», - сказаў Грабоўскі ў эфіры праграмы «Авертайм».