У таварняку з Берасця знайшлі кантрабандных цыгарэтаў амаль на $ 400 тысячаў
13- 14.12.2018, 17:03
- 15,504
Польскія памежнікі канфіскавалі кантрабанду.
Больш за 100 тысячаў пачкаў кантрабандных цыгарэтаў выявілі польскія мытнікі ў грузавым цягніку Берасце – Малашэвічы, паведамляе Надбужанскі атрад памежнай службы Польшчы.
Цыгарэты з беларускімі акцызнымі маркамі былі спакаваныя ў кардонныя скрынкі і схаваныя пад таварам, які легальна ўвозіўся ў Еўразвяз.
Мытнікі налічылі 110 009 пачкаў кантрабандных цыгарэтаў. Рынкавы кошт нелегальнага тавару – 1,5 мільёна злотых (395 тысячаў даляраў).