Настаўнік БАТЭ: У другім тайме адчувалі даволі моцны ціск з боку нямецкіх суддзяў

Выхад клуба ў плэй-оф апраўданы досведам каманды.

Галоўны трэнер БАТЭ Аляксей Бага пракаментаваў перамогу над ПАОК (3:1) і выхад сваёй каманды ў плэй-оф Лігі Еўропы, паведамляе tribuna.com.

- Я адчуваю радасць за хлопцаў. І я ўчора не хітраваў, калі казаў пра тое, што нам пара выходзіць у плэй-оф. Наш досвед дазваляе гэта казаць.

- Што вы адчувалі ў другім тайме?

- У другім тайме адчувалі даволі моцны ціск з боку нямецкай брыгады суддзяў. І цяжкія погляды на нашых футбалістаў, - сказаў Бага ў эфіры «Беларусь 5».

Вядоўцы паспрабавалі задаць яшчэ пытанні, аднак узніклі праблемы з тэлефоннай сувяззю.

Нагадаем, матч абслугоўвала судзейская брыгада з Нямеччыны на чале з Тобіясам Вельцам.