У Польшчы затрымалі расейца, які падазраецца ў тэрарызме

Агенцтва ўнутранай бяспекі затрымала грамадзяніна РФ паводле падазрэння ў тэрарыстычных злачынствах.

Агенцтва ўнутранай бяспекі (АУБ) Польшчы затрымала падазраванага ў тэрарызме чальца Ісламскага дзяржавы, паведамляе «Радыё Польшча».

Супрацоўнікі АВБ затрымалі грамадзяніна Расейскай Федэрацыі Алві А. Ён падазраецца ва ўчыненні злачынства тэрарыстычнага характару. Затрыманне мела месца 28 лістапада, але толькі сёння паведамленне пра яго апублікаванае. Мужчына знаходзіцца пад арыштам.

Затрыманне падазраванага ў тэрарызме грамадзяніна РФ - гэта вынік супрацоўніцтва супрацоўнікаў АВБ і паліцыі. З сабраных матэрыялаў вынікае, што Алві А. быў чальцом тэрарыстычных арганізацый, якія дзейнічаюць на тэрыторыі Турцыі і Сірыі. Ён таксама браў удзел у вайсковых дзеяннях на Блізкім Усходзе ў шэрагах баевікоў Ісламскай дзяржавы.

Пракуратура выставіла затрыманаму абвінавачванні ва ўчыненні злачынстваў, пра якія гаворыцца ў арт. 258, параграфа 2 Крымінальнага кодэкса РП.

АВБ ідэнтыфікавалі Алві А. як чальца групы, якая займаецца лагістыкай тэрарыстычных арганізацый. На тэрыторыі Польшчы ён падтрымліваў кантакты з іншымі радыкаламі, з іх некаторыя ўжо дэпартаваныя ў краіны паходжання.